Смешки на дуелот Лил - Ајакс. Редарот улови дете на терен, ама дете со чувство дека треба да им се помогне на постарите. Браво, не сме виделе волку учтив падобранец во ЛШ.

Лукаку-Лаутаро Мартинез во моментов е најпеколниот тандем во цела Европа. Двајцата во Прага дадоа прекрасни голови и се наоѓаа буквално без гледање. Барселона тренираше со Дортмунд, а Наполи со Елмас од 81' минута од клупата, до злато вреден бод на Енфилд.

Барса ја издоминира Борусија Дортмунд и после првите 45 минути имаше 2:0 со головите на Суарез и Меси. Овој првиов во еден момент ненамерно го опна судијата со топка и го кутна на земја.

Интер гостува во Прага каде се игра луд натпревар со Славија. После 19 минути Лаутаро Мартинез го отвори резултатот по една сјајна асистенција на Ромелу Лукаку. Белгиецот ги качи на грб противничките бекови.

Зошто? Затоа што нејќеш. Ќе досудиш техничка грешка и некоја битанга ќе ти рипне до толку агресивно што на крај кошаркарската кариера ја плати со доживотна суспензија и приведување во полиција. Каков идиот.

И вие ли кои сте без Арена дома го имате овој проблем?

Екипите на ФК на Глуви Слобода, Гранит, ЈСП и Матрикс славеа победи во вториот ден од 9. коло во Бизнис лигата на Македонија.

Навивачите на Малме се гневни што човекот кој израсна во нивниот клуб и кој важи за најголема клупска икона, се сврти кон нивниот ривал Хамарби. Златан решил да купи дел од акциите на Хамарби а се шпекулира дека и кариерата би можел да ја продолжи во оваа екипа, чии мнозинство акции ги држи компанија сопственик на ЛА Галакси каде Ибра играше до скоро.

По 10 дадени шанси од 13 кола, Илија Несторовски конечно го разби малерот во Удинезе со што го потсети италијанскиот печат дека е жив. Го интервјуираа од Газета, а тој ги испофали и двајцата репрезентативни колеги од Серија А. Кој ми е идол? Па Илија Несторовски.

Легендарниот ракометар и тренер, миленик на навивачите на Вардар, Веселин Вујовиќ е отпуштен од репрезентацијата на Словенија на само еден месец пред стартот на Европското.

Вирџил Ван Дајк не е само шампион на терен, туку и вака со луѓе. И покрај тоа што зад ова изненадување стојат Ливерпул и Нивеа како спонзор, сепак гестот е одличен, затоа што навивачов ова доживување ќе го раскажува цел живот.

Одбранбениот фудбалер Макс Тејлор се најде на списокот од 14 играчи помлади од 20 години кои отпатуваа со Манчестер Јунајтед во Казахстан каде ќе ѝ гостуваат на Астана во Лига Европа.

Иако не им значи ништо во однос на табелата бидејќи секако се први, фудбалерите на Манчестер Сити синоќа дома одиграа само 1:1 со Шахтјор Доњецк. Море 1:2 ќе беше ако Едерсон после киксов немаше колега каков што е Фернандињо.

Ако „Златна топка“ се даваше за есенскиот дел од сезоната, Роберт Левандовски годинава немаше да има никаква конкуренција.

Езџан Алиоски им е најведар лик во Лидс Јунајтед. Синоќа го совладаа Ридинг со 0:1 и избија први на табела. За забавниот дел од гостувањето се погрижи македонскиот репрезентативец кој после заебанциите, ја сврте на сериозно и се помоли за Албанија каде вчера се случи катастрофален земјотрес.

Не е битно дали му оди на Роналдо или не, кога Јуве секако растура и е прв на табела и во првенство и во својата група во Лига на шампиони. Зарем може да биде поинаку кога во напад го имаат момчето со една од најјаките левици.

Ако мислевте дека ќе заврши само со едно гушкање, сте се зафркнале. На Жозе му најдоа видео од после Барса - Ливерпул минатата сезона, како објаснува дека секој клуб дека треба да мисли на секој детал, па дури и на вакви ситуации, а тоа е децата да “асистираат“ од зад аут линија.

Јуве уверливо прв во групата по триумф над Атлетико, а Баерн се прошета низ Белград на крилјата на лудиот Левандовски кој 4 пати погоди во мрежата. Реал прокоцка два гола предност против ПСЖ за 120 секунди.

Откако ја продолжи својата тренерска кариера со победа против Вест Хем, Мурињо и вечерва се радуваше на триумф на неговиот нов клуб Тотенхем. Губеа Спарси 0-2 на полувреме од Олимпијакос, ама во второ направија целосен пресврт и тоа благодарение на едно дете задолжено за топки.

Напаѓаше Јувентус против Атлетико Мадрид, ама 45 минути не можеше да го совлада Јан Облак. И дојде судиско продолжение и слободен удар буквално од мртов агол. Топката ја намести Пауло Дибала.

Клуб Бриж извади бод дури во 90+3' минута од тешкото гостување кај Галатасарај во Лига на шампиони. Турците први поведоа, но Белгијците израмнија пред самиот крај преку Крепин Диата. Стрелецот на голот и неговиот соиграч Клинтон Мата веќе имаа жолти картони, ама се израдуваа како битанги кај корнер знаменцето и со право добија втор жолт и автоматски црвени картони.

Што поради близината, што поради одличните настапи на нивниот Динамо, околу 5.000 навивачи на хрватскиот шампион отпатуваа за Милано каде вечерва играат против Аталанта. Тимот од Бергамо во Лига на шампиони игра на „Сан Сиро“, место каде вечерва се судрија хулигански групи.

Во 5. коло од Лига на шампиони во групата Д, Локомотив Москва игра дома со Баер Леверкузен. После 60 минути игра 0-2 за гостите кои поведоа после многу чуден автогол. По еден корнер, шпицот Едер кој на Португалија ѝ донесе злато на Европско 2016, во желба да избие една топка несмасно го погоди соиграчот Жемалетдинов и топката отиде во гол. Ова е инаку 5. автогол на противник на Баер Леверкузен сезонава, а 3-ти во Лига на шампиони.

Екипите на Ван Хоол, А1 и Аптив остварија победи во првиот ден од 9. коло во Бизнис лигата на Македонија.