Фабио има 44 години, член е Флуминензе и брани од 1997-ма година, кога голем дел од копиљациве што играат фудбал, уште не биле планирани за овој свет. Преку 1.300 официјални настапи има. Погледнете го двобојов со Мемфис Депај кој игра за Коринтијас. Треба да му се поклонат за одбранава.

Остајте вие Лига на шампиони и запознајте го Мексиканецот Карлос Орантија од Керетаро. Сигурно ќе има место за него, барем во топ 10 кандидатите за наградата Пушкаш. Ретко се гледа вакво голчиште.

Пред пријателскиот натпревар во Скопје меѓу Вардар и Црвена звезда, гостите од Белград дојдоа и со целата своја екипа задолжена за таканаречената навивачка зона. На платото каде беше фан зоната имаше мали голчиња за мал фудбал за деца, беа изложени славниот пехар освоен во Куп на европски шампиони 1991 со голот на Дарко Панчев како и Златната копачка на Панчев за најдобар стрелец на Европа таа сезона. Имаше многу настани и игри за деца и за возрасни и продажба на реквизити, дресови, шалови.

Поранешниот селектор на Македонија, Бошко Ѓуровски кој речиси цела кариера ја мина во Црвена Ѕвезда, беше една од легендите на хуманитарниот меч на Градски. Во еден момент ја понесе публиката со еден безвременски патриотски хит.

25.000 публика, а штама пред мечот меѓу Вардар и Црвена Ѕвезда.

Резултатот од пријателската меѓу Вардар и Црвена Ѕвезда (1:3) е на последно место. Михаил Маневски со прекрасен удар му донесе водство на Вардар и голот му го посвети на загинатиот фудбалер Андреј Лазаров. Ѕвезда направи пресврт со головите на Илиќ, Катаи и Слепчевиќ. Скопје вечерва повторно беше град на солидарноста и хуманоста. Околу 25.000 гледачи купија билет за да помогнат на семејствата на загинатите во Кочани.

Навивачите на Вардар направија класа потег на хуманитарниот меч против Црвена Ѕвезда. На почетокот на мечот им оддадоа почит на настраданите во дискотеката Пулс, а на кореографијата напишаа „Благодарам“ на јазиците на сите земји што ни помогнаа за Кочани. Eмотивна и уникатна кореографија на Комити.

Фудбалерите на Арсенал и во Мадрид го победија Реал (1:2), па со вкупен резултат 5:1 одат во големото полуфинале каде ќе се судрат со ПСЖ. Интер вечерва одигра 2-2 со Баерн и го одбрани триумфот од Минхен пред една недела. Сјајната сезона Симоне Инзаги и фудбалерите ќе ја продолжат во битките со Барселона во полуфинале.

Ако зборуваме на тема пресврти во ЛШ, ова е дефинитивно тимот кој последен сакаш да ти се падне на реванш после победа. Арсенал има 3:0. Можат ли пак?

Македонскиот репрезентативец, Американецот Ти Џеј Шортс е најзаслужен за најголемото и најпријатно изненадување сезонава во европската кошарка - Париз. Клубот од француската престолнина за првпат играше во елитната Евролига и направи чудо. Го урна големиот Реал Мадрид и се пласираше во разигрување за титулата.

Арсенал има капитална предност од 3:0 во четвртфиналната пресметка од ЛШ против Реал Мадрид. Но Реал е Реал и знаеме колку пати се враќал од негатива. Колумбиецот има верба во такво нешто дека може пак да се случи и допатувал специјално во Мадрид за мечот. Летот му бил 10 часа, а кога го прашаа колку го коштало карта за на стадион рече 1.300 евра.

Компилацијата од најатрактивното за регуларниот дел од сезоната 2024/2025 е скроз на скроз атрактивна. Трае три и пол минути, ама нас ни летна за минута, плус два пати ја изгледавме. Кари го има еднаш, Јокиќ два пати, а Џа Морант влегува под кош како лудак. Финишот од мечот Чикаго - Лејкерски да се запише во учебниците и да се раскажува на внуците. Нереално.

Кога има Лига на шампиони, забавата е во студиото на Си-Би-Ес. Овој пат во форма беше Карагер кој тераше мајтап со поранешниот напаѓач на Манчестер Јунајтед, за химната на Лига Европа, која инаку ја пуштија на меч од ЛШ. „Маркус Рашфорд изгледа е океј со тоа. Навикнат е“.

Вардар и Црвена звезда ќе се сретнат вечерва во Скопје, првпат после 1995-та година во натпревар од хуманитарен карактер. Собраните средства од продадени влезници ќе бидат наменети за семејствата на настраданите од пожарот во Кочани.

Се работи за Владица Брдаровски, битолчанецот кој во два наврати играше за Вардар. 35 годишниот бек купил 250 билети за да помогне за семејствата на настраданите во Кочани. Кој сака може да си подигне од кафе барот Паладиум.

Дваесет и осум годишниот капитен на репрезентацијата на Шкотска и некогашното дете на Манчестер Јунајтед, Скот Мектоминеј (28) ги крши стереотипите дека фудбалер од Островот не може да се снајде во италијански фудбал. Мектоминеј не само што се снајде, туку и е најзаслужен што Наполи уште е во трка за шампионско скудето со Интер и му дише во врат.

Барселона игра неверојатна сезона под водство на германскиот стратег Ханси Флик (синоќа од Борусија Дортмунд го претрпеа првиот пораз после неверојатна серија од 25 меча). Напред се страшно ефикасни и секој напад им е милина за гледање. А одбраната функционира беспрекорно. Играат високо поставени, на раб на офсајд стапица и таа ризична игра често им се исплати сезонава. Синоќа со Борусија Дортмунд пак ја држеа високо линијата.

ПСЖ беше нокаутиран од Астон Вила со три гола во периодот од 34-та до 57-ма минута и тоа после водство од 0:2. Да не беше Донарума, од дома ќе гледаа полуфинале. Англичаните имаа 17 удари од кои 9 во рамки на гол. Незадоволството на Осман Дембеле од нивната игра најдобро се забележа кога прво ја одби наградата за играч на мечот, а потоа се сликаше со фаца парастос.

Астон Вила направи гаф на реванш четвртфиналето од најелитното клупско европско натпреварување и наместо химната на ЛШ, ја пушти онаа на ЛЕ. Не само сеир на Твитер. И играчите се чудеа и смееа.

Белградските медиуми со посебно внимание го пречекуваат пријателскиот натпревар меѓу овогодинешниот учесник во Лига на шампиони и најтрофејниот македонски клуб. Вардар и Црвена звезда долги години во времето на поранешната заедничка држава беа синоним за здраво ривалство.

Астон Вила вечерва против ПСЖ дефинитивно го одигра најдобриот меч сезонава во ЛШ. Кај победија 3:2 со пресврт, па уште и имаа неколку чисти шанси за повисока победа и сензационален пласман во полуфинале. Пречката им се викаше Џанлуиџи Донарума.

Изгледа не се навикнати на Лига на шампиони. По грешка ја пуштија химната на Лига Европа.

Фудбалерите на Астон Вила одиграа блескав натпревар против фаворитот ПСЖ во реванш четвртфиналето од ЛШ. Славеа 3:2 и тоа по негатива од 0:2, а пропуштија и многу шанси за сензација. Прво полуфинале за Барселона по пауза од шест години. Вкрстуваат со подобриот од дуелот Интер - Баерн. Противник на ПСЖ ќе му биде Арсенал и Реал.

Пар илјади навивачи на Лацио, пред големото римско дерби со Рома во неделата, кај познатото место и мостот Ponte Milvio се судриле со карабинерите. На сите страни летале флаши, каменици и бакљи а италијанската полиција уапсила неколку лица. Дербито Лацио - Рома заврши нерешено 1:1.