АЕК Атина игра одлична сезона, во грчката Супер лига се брка со градскиот ривал Олимпијакос за титулата, а во Конференциска лига обезбеди пласман во осминафинале откако направи чудесен пресврт на дуелот против романска Универзитатеа Крајова. Гостите од Романија водеа 0-2 а домаќините направија целосен пресврт и со два гола во длабоко судиско продолжение во 90+8' и 90+14' минута славеа 3-2 за три бода.

Олимпискиот шампион во бокс од Олимписките Игри 2012, Ентони Џошуа го совлада Американецот Џејк Пол во „Касеја Центар“ арената во Мајами во шестата рунда.

Златан Ибрахимовиќ веќе неколку години е во управата на Милан, се пензионираше од активно играње фудбал но на 45 години покажува дека и натаму е во одлична физичка форма.

Србинот на мечот против Орландо, стигна до 5.661 асистенција и со тоа стана центар со најмногу асистенции во НБА, со што го симна од тронот легендарниот Карим Абдул Џабар. Рекорд до рекорд. Но, обрнете на оваа куса компилација. Ги надмудрува и се мајтапи со кој стигне.

Пази ова, и двете раце му се зафатени, што значи тоа е дополнително отежнување на најмалскиот фудбалски процес наречен жонглирање. Плус не стои во место, а и не е баш млад.

По Мундијалот во 1982 година, а пред славната ера во Наполи, Марадона направи трансфер од Бока Јуниорс на Камп Ноу за тогаш рекордни 7,6 милиони долари. Уште во првата сезона 1982-83, освои два трофеи, Копа деј Реј и Лига Куп и тоа во двата наврати против Реал во финале. Погледнете го како им оди на кралевите во напад. Оса. Со се топка во гол.

Легендата на Челси извади интересна компарација во однос на центарфорите, а со тоа и ги потсети носталгичарите на англискиот фудбал, какви имиња уствари продефилираа во негово време.

Легендарниот стадион Пољуд, сплитската убавица, ќе оди во историјата. Хајдук добил дозвола од градските власти да започне потрага за соодветен проект и дозвола за градба на нов стадион.

Најтрофејниот клуб во земјава, КК Работнички конечно после долго време ќе може да се врати во својот кошаркарски храм, на местото каде оствари многу шампионски титули и емотивни моменти со своите Сити Парк Бојс. Градоначалникот на општина Центар Горан Герасимовски објави видео од актуелната состојба во реновираната сала „Градски Парк“.

Најдобриот светски тенисер на сите времиња според многумина, во едно гостување во подкаст раскажа колку нему и на неговото семејство биле тешки почетоците на неговата кариера. Тенисот е спорт кој важи за најскап, со сите попратни опреми, патувања, авионски летови, сместувања, турнири, подготовки, посебна исхрана, тренери итн... А дома немале „скршен динар“ па татко му Срѓан морал да се снаоѓа како знае и умее и да ризикува.

Кога некој би ни кажал колку еуфорично во Велика Британија се следи пикадо, не би поверувале. Со урлање, со навивање, со аплаузи, со свирежи, како фудбал борба за опстанок во прва лига. Сега во моментов од 11-ти декември до 3-ти јануари се одржува Светско првенство во пикадо во култната „Александар Палас“ сала во Лондон. Наградниот фонд е 5 милиони фунти, а победникот ќе освои 1 милион фунти.

Каков лик е Никола Јокиќ. Репортерот му вели дека станал центар со најмногу асистенции во историјата на НБА и го прашува дали му значи тоа нешто. А тој:

Во финалето на Арапскиот Куп Мароко со 3-2 го совлада Јордан и стана шампион во арапскиот фудбал. Мароканците славеа синоќа во финалето против Јордан а страшен гол од преку пола терен постигна 32-годишниот Усама Танане кој игра во катарскиот клуб Ум Салал.

ЛА Лејкерс забележи уште една победа, 19-та во сезоната, овојпат против Јута Џез 143-135. Лука Дончиќ блескаше, а одлично го следеа Леброн Џејмс, Маркус Смарт и Џексон Хајс.

Веќе не е вест кога Никола Јокиќ ќе запише трипл-дабл, нешто што ноќеска го направи. Тој испиша нова историја и ги помести границите во НБА. Стана центар со рекорден број на асистенции во историјата на најквалитетната кошаркарска лига во светот.

Тој лево се вика Златан. Во бројки тежи 32 трофеи, освоени со 6 екипи и има над 500 гола. Со 41 година и 166 дена стана најстар стрелец во историјата на Серија А. Оној десно е Лука, дечкото кој игра на 40 години и кој замина од Реал Мадрид како најтрофеен фудбалер во историја со 28 трофеи. Во 2018-та го запиша најјакиот хет-трик со трофеи: Златна топка, најдобар играч на годината според ФИФА и најдобар играч на Мундијалот. На тој во средина му посакуваме, барем по малце да го фати мајата од двајцата.

Фудбалерите на Наполи се први финалисти во Супер Купот на Италија, откако го совладаа Милан со 2:0 на стадионот „Кинг Сауд Универзитет“ во Ријан. Мечот го решија Давид Нерес во 39-та и Расмус Хојлунд во 64. минута. Елиф Елмас беше стартер и играше до 77-ма минута.

Штом медиумите и социјалните мрежи го вртат и четврт век подоцна, значи нешто вреди. Имаше само 17 години кога блесна со деби гол во Серија А и тоа против Интер за победа од 2:1. Датумот е 18 декември 1999-та. Двајцата кои не можеа да го спречат се викаат Лорен Блан и Кристијан Панучи. Обрнете внимание на приемот. 

ПСЖ го совлада Фламенгo на пенали и го освои Интерконтиненталниот Куп одигран во Катар. На Луис Енрике тоа му донесе многу редок подвиг. Стана само еден од тројцата тренери во историјата со 6 трофеи во една календарска година.

Во денови кога се актуализира новото селекторско име, кое место на крајот, ФФМ ќе го одреди на почеток од следната година, налетавме на декемвриско ретро од пред 31 година. Јак клип е ова. Бев на Јужна.

Не само што ова не се спречува, туку не се ни издржува да се доигра до крај. Дејвид Робинсон, кој важеше за силен центар, се изгуби целосно во дуелов. Страшно и монструозно одиграно.

Советот на ФИФА, на состанок во Доха донел одлука за финансиски награди за репрезентациите учесници на претстојното Светско првенство и ќе има рекордни премии во износ од астрономски 727 милиони долари!