Пари Сен Жермен демонстрира моќ и дефинитивно се истакнува со шампионски амбиции кон европскиот трон и оваа сезона.
На фуриозното гостување против Виљареал, на „светците“ им беа потребни точно 16 минути и 2 секунди за да постигнат четири гола, поставувајќи нов апсолутен рекорд.
- 9. минута: Жоао Невеш ја начна мрежата на домаќините по една одбиена топка во шеснаесетникот за 1:0.
- 12. минута: Младиот Дезире Дуе зголеми на 2:0 по мајсторска асистенција на Аклиуш.
- 13. минута: Шокот за Виљареал стана комплетен кога веќе во следниот напад Сени Мајулу погоди за експресни 3:0.
- 17. минута (точно во 16:02): Искусниот шпански репрезентативец Фабијан Руиз ја запечати историјата со прецизен удар за неверојатни 4:0.
Натпреварот заврши со убедливи 6:0, што е уште една силна порака од Париз до цела фудбалска Европа. Луис Енрике покажа дека изградил машина која игра брз, модерен и смртоносен фудбал.
Парижаните го срушија рекордот кој цели 15 години го држеше Реал Мадрид, кој во 2011 година постигна четири гола за 20 минути против Динамо Загреб.
Предводени од Мурињо, кралевите тогаш дадоа четири комада во првите 20 минути од мечот преку Бензема 2', Каљехон 6', Игуаин 9' и Озил 20'.
Неверојатен пресврт на Манчестер Јунајтед со Рома, Баерн го скроти Атлетико Мадрид
