Најдобриот стрелец од редовите на Атлетико Мадрид, Колумбиецот Радамел Фалкао е најдобар реализатор во однос на поминатото време на терен со гол на секои 60 минути. Најефикасниот стрелец во Македонија, вардарецот Јован Костовски не заостанува многу споредено со стрелците од најдобрите лиги во Европа со гол на секои 88 минути.

Колумбиецот Џерардо Бедоја е познат како еден од најгрубите фудбалери на планетата. Тој го заработи и 41-от црвен картон во својата кариера за удирање со лакт на противникот, но тоа како да не му беше доволно. За својата постапка тој доби суспензија од 15 натпревари и ќе плати казна од 5.000 долари.

Во рамките на шестото коло од Премиер лигата оваа сабота ќе се сретнат екипите на Арсенал и Челси на натпревар кој според цените на влезниците ќе ја понесе титулата за „најскап фудбалски натпревар".

Германскиот шампион ја претстави својата најнова СФ машина за тренинг. „Фудбонаут" има 64 мети во околина од 360 степени и е омилена играчка на младинците и на повредените фудбалери во процес на рехабилитација.

Кога Рајан Таниклиф имал само девет години, татко му се обложил на 100 фунти дека еден ден неговиот син ќе заигра за Манчестер Јунајтед. Сонот на двајцата им се оствари. Рајан дебитираше против Њукасл, а татко му доби 10.000 фунти.

Модриќ, Едуардо, Чорлука, Шимиќ, Балабан, Манџукиќ, Олиќ... тоа се „деца" на Мамиќ. Динамо Загреб живее од вакви таленти на кои заработува милиони. Најновиот продукт на школото на Динамо загреб се вика Ален Халиловиќ.

Кошаркарската репрезентација на Македонија е во првиот шешир за извлекувањето и ќе биде носител на група на Европското првенство кое следната година ќе се одржи во Словенија.

Читателите на шпанскиот весник Marca го избраа најдобриот потег во историјата на Реал Мадрид.

Претседателот на фудбалскиот клуб Каљари, Масимо Челино ја презеде одговорноста за губењето на натпреварот против Рома со службени 0:3 и си се суспендираше.

Осуммина ракометари на францускиот клуб Монпеље се под истрага дека учествувале во местење на натпревар од националното првенство, а нивните блиски заработиле големи суми во кладилница.

Фудбалските аналитичари со години се обидуваат да ја откријат тајната за успешно изведување на пенали, а таа била толку проста. Германски научници тврдат дека тајната е во стисната тупаница на левата рака.

Мислевте дека механичарите во Формула 1 се брзи за време на пит-стоп? Погледнете како се решаваат проблемите во велосипедизам.

Екипата на Јувентус ја продолжи неверојатната серија од 44 натпревари без пораз, но по петтото коло тие веќе немаат максимален учинок во новата сезона откако одиграа без голови на гостувањето во Фиренца.

Откако викендов екипата на Локомотив Пловдив претрпе шокантен пораз од Ботев Враца (коефициентот во кладилница беше 15), газдата на клубот ќе ги прати сите фудбалери и тренерот на детектор за лага.

Тренерот на Динамо Загреб, Анте Чачиќ го исфрлил на сред улица дефанзивецот Домагој Вида затоа што тој во клупскиот автобус си отворил пиво.

Доколку Тодоров беше министер во Бразил, на овој доктор сигурно ќе му следуваше поголема плата за неговиот учинок. Освен што ги лечи фудбалерите, тој повремено влегува и во игра како дефанзивец.

Плаќањето на патувања, влезници и реквизити за навивачите ни е добро позната традиција која ја практикуваат многу спортски клубови во Македонија, но богатите арапи се еден чекор понапред. Освен за купување на клубови и фудбалери, тие не штедат пари и за навивачи на кои им плаќаат за да одат на стадион.

Павел Дацјук, членот на Детроит кој заради локаут периодот во НХЛ лигата се врати во Русија, на своето деби за ЦСКА Москва постигна гол со глава, но за жал овој погодок му беше поништен.

На Вук Бабиќ од младинскиот тим на српскиот клуб Полет му беа потребни само две секунди за да го постигне еден од најбрзите голови во историјата на фудбалот.

На одложениот натпревар заради саботажа на осветлувањето, Реал Мадрид славеше рутинска победа на гостувањето кај Рајо Ваљекано. Кристијано Роналдо постигна гол од пенал, но од овој натпревар ќе остане запаметено едно негово огромно промашување.

На финалето од Лигата на шампиони кое во 2005-та година се одигра во Истанбул, Ливерпул губеше од Милан со 0:3. Тогашниот тренер Рафаел Бенитез во својата автобиографија пишува за тоа што се случуваше на полувремето по кое Ливерпул го направи најголемиот камбек и триумфираше по изведување на пенали.

Разочарани од седумте порази по осум одиграни натпревари, навивачите на Динамо Москва упаднаа на тренинг и решија да им одржат лекција на фудбалерите. Заканите на ултрасите очигледно вродија плод, па така викендов Динамо го победи Амкар со 3:2.

Пабло Сандовал од Сан Франциско Џајантс го изведе најдоброто безбол фаќање, а видеово може слободно да се искористи и како реклама за мастики за џвакање.