Масимо Челино, претседателот на Каљари ги повика навивачите кои имаат годишни влезници да присуствуваат на натпреварот против Рома и покрај тоа што градските власти одлучија овој меч да се игра без публика заради реновирањето на стадионот.
Заради стравување дека можат да се случат инциденти, овој натпревар најпрвин беше одложен, а потоа раководството на лигата одлучи да им ги додели поените на Рома и да го регистрира натпреварот со службени 0:3.
Токму затоа претседателот на клубот ја прифати одговорноста верувајќи дека ги разочарал навивачите на клубот и реши да си се суспендира од својата позиција.
