За ваков темперамент кој дише со фудбалерите 90 минути треба да се постави една камера која ќе го следи од почеток до крај на секој меч. Кога го гледаш мислиш ножички без топка ќе направи.

По долгото изведување на пенали преку во серии, Атлетико Мадрид обезбеди четвртфинале откако претходно и двата меча завршија без голови. Манчестер Сити со предноста од првиот дуел против Динамо Киев е меѓу најдобрите 8, но остана без Компани и Отаменди кои се повредија уште во прво полувреме.

22 кратниот првак на Холандија имаше две златни ери. Првата во 1977-ма кога го освои Купот на УЕФА, а втората 10 години подоцна кога со Куман и Брукелен ја освои тројната круна. Дресот на вечерашниот противник на Атлетико Мадрид во ЛШ го носеа имиња до имиња.

Лестер и натаму љубоморно го чува врвот на Премиер лигата, а нивниот успех збунува многумина во светот на фудбалот, по што еден будистички монах открил една од состојките на фантастичните резултати.

Амбасадор на шведскиот витамински пијалак Витамин Вел е најдобриот фудбалер во историјата на оваа скандинавска земја. Луѓето го гледаат како Бог, па не нè чуди реакцијата на еден дечко кој дојден на интервју налетува на Ибрахимовиќ.

Освен по елиминацијата на Манчестер Сити кога се радуваше Попов, 15 март 2011 нè потсеќа на уште еден голем успех каде повторно во улога е Струмичанец. Интер во осминафиналето отпатува на Алијанц арена по пораз од 0:1 од Баерн Минхен и по нерешените 2:2 до 88 минута на кои стрелаа Гомез, Милер, Ето и Снајдер, голот вреден четвртфинале против гигантот го постигна Горан Пандев.

Фк Сутјеска остана без една од трибините која не е во употреба, а среќа што падна доцна навечер кога нема деца во школото кое се наоѓа зад неа.

Клубот кој во ’90-те години го достигна врвот во моментов е целосно реорганизиран, се вика Парма Калчо 1913 и се натпреварува во аматерската Серија Д од каде тргнува на пат кон погорните лиги. Претседател на клубот е легендарниот Невио Скала, капитен е Алесандро Лукарели а тренер младиот Луиџи Аполони. Во моментов се убедливо први и од следната сезона ќе играат во Лега Про (италијанска трета лига). Сезонава продале 12.000 сезонски влезници и покрај тоа што играат во аматерска лига.

Синоќешниот роденден, Стефон Кари го прослави со 60-та победа на 66 меча сезонава во НБА лигата и најава дека ќе го брка рекордот на Чикаго Булс кој броеше до 72. Во 2012/2013 постави рекорд во НБА со 272 тројки. Во 2014/2015 постигна 286, а оваа сезона до сега има постигнато 322. Еден од најдобрите шутери во НБА држи рекорд и на постигнати тројки на 136 натпревари по ред. А сега најдобрите 28 тројки на едно место.

На турнирот на кој некогаш блескаше Горан Пандев, сега игра неговата Академија Пандев, екипа која загуби од бранителот на титулата Интер со 4:0 на отворањето.

Вечерашниот осминафинален дуел од Лигата на шампионите не врати на нивната осминафинална пресметка од Лига Европа каде се сретнаа во сезоната 2010/2011. Динамо Киев отиде понатаму со вкупни 2:1, а Марио Балотели му влезе неспортски на Горан Попов и доби црвен картон.

Во првиот ден од 14. коло во Бизнис лигата, Систина со тесна победа славеше против Пекабеско, а Алкалоид и Адмирал славеа со идентични 6:2.

Еден од потрофејните играчи во историјата на Челси бил близу одлуката да го напушти фудбалот затоа што му извадиле муабет дека е хомосексуалец и упорно го навредувале по сите стадиони во Премиер лигата.

Срѓан Ѓоковиќ, таткото на најдобриот светски тенисер отворено зборуваше за кариерата на Новак и неговото рано детство во интервју за Њузвик.

Да најдеш фудбалер кој е на платен список во Премиер лигата кој изјавува дека фудбалот не му е ништо посебно, копачки нарачува од интернет и често разговара и се дружи со луѓето во маало, се случува еднаш на 100 години.

Ако фото на денот беше Јон, за видео на денот, неделата па и месецот го бираме навивачот од Ирак кој веројатно има пробано тетовски грав.

Фамата која што го следеше Нејмар на времето сега е верна сенка на Осман Дембеле, сензацијата од француски Рен, клуб кој ја одби понудата од 35 милиони евра од Барселона за младиот универзалец.

Турскиот клуб Галатасарај потврди дека таткото на нивниот играч и репрезентативец на Турција, Умут Булут загинал во синоќешните терористички напади во Анкара кога загинаа повеќе од 35 лица.

Не ги викајте фудбалерите над 30 години старци, особено не овој викенд во кој држеа лекции во Турција, Италија, Франција па се до САД и Аргентина. Како виното се.

Вадете ги дресовите, не заслужувате да ги носите. Играјте со мадиња и победете веќе еднаш. Вакви извици летаа од трибините овој викенд во Бундеслигата и Серија А од навивачите кои го загубија трпението и заборавија да се радуваат на победа.

И покрај поразот од Нејт Дијаз во УФЦ 196 мечот, Ирецот Конор МекГрегор стана првиот борец во УФЦ што доби загарантирана заработка од 1 милион долари. Но не е сè така розово во мешаните боречки вештини.

При резултат 1:1 гостите даваат гол со ножички и во тој момент никој не се радува бидејќи топката ја допре мрежата од надвор. Во следниот миг се слуша едно „гол“ кое го повторија уште неколкумина, сосема доволно за судиите да поверуваат дека стварно е гол. Домаќините престанаа да играат. Оваа мизерна сцена ни доаѓа од романската четврта лига која треба да се забрани штом ова го сметаат за гол.