Тајната на премиерлигашот

Будистичките монаси кои навиваат за Лестер

Лестер и натаму љубоморно го чува врвот на Премиер лигата, а нивниот успех збунува многумина во светот на фудбалот, по што еден будистички монах открил една од состојките на фантастичните резултати.

Еден од попознатите тајландски будистички монаси, Пра Промангкалачан изјавил дека тој и уште неколку будистички монаси во последните две-три години редовно го посетуваат англискиот клуб чијшто сопственик е Тајланѓанец.
„Го благословивме теренот и на играчите им дадовме амајлии за среќа. Им ставив некои амајлии околу вратот и им ги дадов овие талисмани од ткаенина“, изјавил монахот за Асошијетед Франс Прес во храмот во Бангкок каде висат и неколку барјаци со грбот на Лестер на средина. Не знам, навистина не сум сигурен дали разбраа додека им објаснував за амајлиите, но знаат дека ќе им донесе среќа“, истакнал монахот.
По понеделничкиот дуел со Њукасл кој го добија 1:0 со евроголот на

Сопственикот на Лестер, Вичаи Шриваданапраба

Оказаки со ножички, Лестер ја одржа предноста над второпласираниот Тотенхем од 5 бодови. На Арсенал му бегаат 11 бодови со натпревар повеќе. Сопственик на клубот е Тајланѓанецот Вичаи Шриваданапраба, чијшто бренд Кинг Пауер се наоѓа на дресовите на Лестер.

Настапите сезонава го ставија овој премиерлигаш на одличен пат да го направи најголемото изненадување во фудбалскиот свет во последните неколку децении. Сепак и покрај тоа што во Тајланд Лестер е многу гледан и има прекар „сијамските лисици“, газдата Вичаи не се експонира премногу.

Тој го купи клубот пред шест години а во 2014-та Лестер обезбеди пласман во Премиер лига. Вичаи избегнува да излегува во медиумите и ја нема вообичаената пропаганда која што ги следи сите странски сопственици на клубови во Премиер.
„Ги повика монасите таму да се помолат за успех и среќа во играта, за управата и за играчите“, вели 64-годишниот монах кој во последните три години околу 10 пати патувал во Англија.

Тајланд е мнозински будистичка земја и во нивната култура се верува во моќта на амајлиите коишто носат среќа а привезоците и ланчињата коишто монасите ги благословуваат можат да се најдат на многу места. Тајланѓаните веруваат дека среќата и успехот доаѓаат преку заслуги коишто се добиваат со молтива, труд, жртва, донации и добри дела.

Овие обичаи на почетокот им делувале чудно на луѓето во управата на Лестер, но навивачите и играчите брзо се навикнале да ги гледаат монасите во своите мантии како се шеткаат низ стадионот Кинг Пауер.

„Без разлика што религиите ни се различни, со играчите сме блиски како добри пријатели. Драго им е кога ќе видат како доаѓаат монаси, нè поздравуваат и доаѓаат на церемониите, без разлика што религиите ни се различни. Лестер сигурно ќе биде прв во Премиер лигата годинава", вели Пра Промангкалачан, будистичкиот монах кревајќи еден прст во вис како поздрав.