Како е да знаеш дека официјално си најдобриот копач на гробови? Не се опишува со зборови, велат победниците на овој необичен натпревар.

Војо Шиндолиќ, новинар, поет и преведувач на импресивен список дела на американската книжевност, неодамна објавува „ексклузивно“ интервју со неговиот (наводен) долгогодишен пријател Дилан. Ама меѓу неговите колеги има некои и музички и новинарски потковани. Па го фаќаат во лага. 

Знаете оние навидум бесмислени линии и форми кои детето ги нанесува на хартија, а потоа вели дека ги претставуваат „мама, тато и јас во парк“? Moжеби ви го кажува тоа само за да ви ја задоволи желбата за реалистично толкување, за што нему не му е многу гајле. Додека во школо не почнат да му бараат поинаку. 

Неговиот буги-вуги пијано стил помогна во воспоставувањето на раниот рокенрол од 1950-тите. Од него велат бил поголем единствено Елвис Присли.

Пред една година Врховниот суд на Индија донесе одлука дека националната химна мора да биде изведувана во секоја кино сала пред прикажување на филмовите, а дека публиката мора да стои на нога. Сега филмски љубители од еден мал град во земјата се обидува да пружи отпор.

Арлин Фајнман починала од туберклоза во јуни 1945, на само 25 години. Година и пол подоцна нејзиниот сопруг ѝ пишува писмо, упатено на непозната адреса. Физичарот - Нобеловец - од кого се очекува да биде студено рационален со оглед на познавањето и на најситните делови од материјата, скршен од болка постхумно ѝ изразува љубов на неговата „жена-идеја“.

Позната како „блекаут“, колажна или редактирана поезија, таа се создава од постоечки текст, со покривање/бришење/сечење на одредени зборови, по што тој добива нова смисла. 

Ѕвездата на „Биг бенг“, чиј заштитен знак во серијата се бапските плетени елечиња, непроѕирните хулахопки и долгите штофени сукњи, во Њујорк тајмс напиша дека токму таквиот вид облека, и смерното однесување ја заштитиле од сексуални напади во филмската индустрија. Нормално, ја раскинаа, и така во сенка падна една друга, исто така важна тема.

Документарец кој го следи животот и делото на шимпанзо по име Ним Чимпски, кој заради научен проект е растен како човечко дете. На крајот од мачната приказна излегува дека таа е повеќе за луѓето околу него, кои се вистинските „мајмуни“.

Главно ветување на сите кандидати кои учествуваа на локалните избори без оглед на нивната партиска припадност беше дека „ќе донесат чист воздух“ во градов. Не знаеме од каде точно мислат да го донесат и како, но ако е за некоја утеха имаме историски пример на град кој барем во тек на неколку денови бил позагаден од Скопје, Велес и Битола.

А зошто на волку убав ден би пишувале за таги? За да се подготвиме за доаѓањето на вистинската есен.

Завчера, 17.10, беше доделено овогодинешното Букерово признание, на американскиот писател Џорџ Сондерс, за романот „Линколн во бардо“. Повод за потсетување за она што стои во основата на славата и парите стекнати со оваа награда - наследството на ропството и на белиот супрематизам.

„Пламенот“, која се планира да излезе на 16 октомври 2018, ќе вклучува завршени песни, како и илустрации, стихови од албуми, прозни парчиња и материјал од бележници на нашиот омилен трубадур.

„Со само еден исклучок, дебитантската збирка на Хенкс би можела да биде дело на самиот Форест Гамп“. Вака ја сосекува книгата критичар на Гардијан, а и останатите не се многу понежни.

Имате ок работа и фин семеен живот, а сепак се чувствувате „празни“? Мислите дека веќе немате време за остварување на соништата од младоста? Ве плаши што повеќе од (замислената) половина од животот ви поминала, и кај и да е се гледа крајот? Добредојдовте во кризата на „средните“ години.

100 уметници од цел свет ги создавале 66-те илјади слики кои го сочинуваат филмот посветен на холандскиот сликар. Доколку би биле поставени физички во просторот, тие би зафаќале територија колку цел Лондон и Менхетен заедно.

Во низата обвинувања кои следеа по случајот со Вајнстин од актерки кон нивни бивши колеги за сексуално и друго малтретирање еве едно кое (можеби) го објаснува наглото влегување, но исто така наглото излегување од филмскиот свет на Бјорк, по само еден, одличен филм.

Пред некоја година пишувавме за илегален ноќен клуб сместен во цистерна за вода во Њујорк, проект на уметникот Н. Д. Остин. Неколку години подоцна, тој смислува нови, алтернативни начини на забава, покрај она да стоиш со пијачката среде гужва и да цупкаш во место.

Пред некој ден читател ни донираше две кутии полни книги, со кои го подновивме катчето за размена во „Пепер“. Меѓу нив најдовме и една со неугледна корица, на која пишува „Обратен речник на македонскиот јазик“. Обратен?

Копирањето на културни елементи од запад кон исток понекогаш дава чудни резултати - Кинези носат маици со неразбирлив и често навредлив англики, боливиjски градежни работници Епл логоа на нивните униформи, лого на Најк може да се најде на традиционални индиски облеки. Ама има и (за нас) порадикални примери.

Пензионираниот научник кој денес живее изолирано „некаде во Мејн“ вели дека ќе било подобро парите од овогодинешната награда да ги добиел порано - кога се мачел да го финансира истражувањето со кое и ја заслужи Нобеловата.

Филип К. Дик бил убеден дека Ридли Скот ќе му го упропасти романот „Дали андроидите сонуваат за електрични овци?“ според кој е правен Блејд Ранер, па за да не избувне одлучил да не доаѓа на снимањето. Сепак, се согласи да види дел од материјалот на специјално организирана проекција. И го сменил мислењето.

Сметан за француско национално богатство, Рошфор, кој почина на 87 години, вон својата земја сепак ќе остане запамтен како првиот избран да го глуми витезот од Ла Манча во адаптацијата на „Дон Кихот“ на Тери Гилијам.