Во 1908 Луис Хајн (Lewis Hine), ангажиран од Националниот комитет за детски труд, почнал да ги фотографира децата-курири на велосипеди, кои пренесувале пораки и предмети до фирми, бордели и продавници. Целта била да се обелодени нивната експлоатација, како и да се види во каква средина растат.

Во центарот на Санкт Петерсбург неодамна е поставена копија од славната статуа на Микеланџело. Една повозрасна граѓанка се побунила затоа што е гол. Сега целата работа ќе оди на гласање.

Некролозите кои излегоа по неговата смрт го опишуваат како „актерот од Игра со волците". Но појавувањето во филмот со Кевин Костнер изгледа било најнеинтересното нешто што го направил овој човек.

Сте ја читале „Трималчио во Вест Ег?" А сте го гледале филмот направен според неа? Веројатно да, ама не ја препознавате затоа што тоа бил еден од работните наслови на „Големиот Гетсби".

Знаете она кога другар ви вика дека „се променил" и дека со оваа девојка „ама стварно" ќе биде верен? Си викате „аха, 100%", и веднаш му ја одземате можноста да покаже дека тоа навистина може да се случи. Можеби грешите.

Џулијан Темпл („Апсолутни почетници") има нов документарец. На прв поглед е за Кит Ричардс. На втор, неговиот славен лик е само повод за истражување на социјалната историја на Британија по Втората светска војна, до формирањето на Стоунси.

Да е Цепенков жив на интернет би имал куп материјал за архивирање. Едни такви современи, американски „Цепенковци“ имаат направено изложба за вицови во врска со мајките од различни култури. А мајките, пустите, ни криви ни должни, во нив се и грди, и глупи и дебели.  

На 100-годишнината од неговата прва новинска илустрација, во музејот посветен на Роквел се собраа шест од некогашните деца од неговите слики. Нивните спомени покажуваат колку Америка и светот се смениле во последниве децении. Но и колку некои работи останале исти.

За некои луѓе гледањето на работите „од друг агол" не е метафора - тие навистина можат да ја видат формата на вашите (или на сопствените) идеи и врските помеѓу нив. Нешто како да имаш вграден Пауер поинт во главата.

Огранокот на американскиот ПЕН центар (Меѓународното писателско здружение) од Њу Ингланд доделува „награди за книжевна исклучителност" на музичари кои се истовремено автори на стиховите на нивните песни. Овогодишни добитници се Том Вејтс и Џон Прајн.

Цимане, население кое живее во Боливија, го става под знак прашалник досегашното сфаќање за тоа зошто (и дали воопшто) луѓето повеќе сакаат хармонични созвучја, а не дисонантност.

„Уметноста на договорот", објавена во 1987, која помина 51 недела на бестселер листата на Њујорк Тајмс, направи Американците во Трамп да гледаат шармер со неверојатно чувство за бизнис. Ко-авторот, а всушност вистински автор на книгата, Тони Шварц, сега вели дека со неа ставил „кармин на свиња".

Вчера во Кливленд заврши Републиканската национална конвенција на која повеќето од присутните изјавуваа дека сакаат „Америка повторно да биде голема". Ама еден библиотекар имаше поинаква агенда.

Оригиналната нарација на видео играта ги има сите карактеристични на класична иницијациска бајка. Новата верзија е многу поедноставена, и главно се состои во ловење и заробување, без некој посебен подтекст. Но за многумина и ова е доволно чудесно.

Наводно вистинската приказна за сопственик на хотел, кој водел детални белешки за она што го гледал низ отворите на собите, предизвика скандал во САД. Но дури и да не е документарна, таа е вознемирувачка. Затоа што го буди воајерот во секој од нас.

Селимовиќ го нарекува тоа да се биде човек „подвиг“ - јунаштво е да живееш знаејќи дека животот е апсурден. И да оставиш трага позади себе, на добро, а не на зло.

Само што сте станале а веќе се чувствувате изнемоштено? Сите околу вас делуваат ко папсани, без елан, ментално и физички стресени? Не го обвинувајте „современото темпо на живот". Уморот е со нас откако постоиме како вид.

Во викенд изданието на Дневник, во колумна насловена „Документарец што тера на размислување", Влатко Ѓорчев препорачува филм за образованието во САД, кој „се гледа во еден здив", и кој го поставува образованието „како еден од клучните фактори за развој на општеството". Истиот го опишува како актуелен и релевантен за секоја држава, што значи и за нашата. Доволно елементи за филмот внимателно да се погледне.

Во последниве 400 години, од времето на научната револуција, како да помисливме дека можеме да го разбереме светот, откривајќи ги еден по еден сите негови закони. Но можеби тој не само што е почуден отколку што претпоставуваме, туку е почуден од она што воопшто можеме да претпоставиме.

Човекот најпознат по изреката „Не се согласувам со она што го кажуваш, но до смрт ќе го бранам твоето право да го кажеш", за која да бил на Фејсбук веројатно два пати ќе размислел, си дозволувал ваква филозофска великодушност затоа што во еден период во животот на лесен начин - на лото - стекнал големо богатство. Сепак и за ова требало не толку среќа, колку интелигенција.

NearSt е нова платформа преку која лондончани можат да нарачуваат наслови од локалните книжарници и да ги добијат на домашна адреса. Предноста во однос на другите начини кои стојат на располагање - се помагаат локалните независни книжарници, и работата се завршува за еден час.