Елон Маск тестот за покачување плата

Во биографијата Елон Маск: Тесла, Спејсикс и потрагата по фантастична иднина, авторката Ешли Ванс пишува за ситуацијата кога личната асистентка на Маск, Мери Бет Браун, побарала големо покачување на платата по 12 години работа за него.

По ова, според биографијата:

"Како одговор, Маск и дава на Браун две недели одмор, а за тоа време тој ќе ги преземе нејзините одговорности и ќе види дали таа е стварно неопходна за неговиот успех.

Кога Браун се враќа по две недели, Маск и кажува на дека тој повеќе нема потреба од нејзе.

Маск во разговорите за биографијата објаснува дека тој на Браун и понудил друга позиција во компанијата, но дека таа никогаш повторно не се вратила кај него во канцеларија."

Поентата на приказната што ја пренесува Бизнис инсајдер е "осигури се дека знаеш колку вредиш пред да побараш повеќе пари".

Од БИ разговараат со експертот за однесување на работно место, Лин Тејлор, и кои се најдобрите стратегии за проценување на тоа која е твојата вредност. Нејзина прва препорака е да направиш "ревизија" на твоите обврски, и да потрошиш 15 минути за да размислиш што точно работиш.

Според нејзе едно од првите прашања што човек треба да си го постави е: "Дали хонорарец може да го прави тоа што ти го правиш, а шефот пак да биде задоволен?" Ако одговорот е "да" па дури и "можеби" тогаш треба да се замислиш и да покажеш подобри перформанси.

"Сакаш да направиш да му требаш на шефот - а не само да те има на располагање," објаснува Тејлор, според која она што треба да го размислиш е "што е тоа што го прави твојот шеф успешен и како можеш ти да се најдеш во тоа".

Она што Тејлор препорачува да се запамети е дека: "Никој не е незаменлив. Варира само тоа колку е тешко да бидеш заменет."

10 август 2017 - 12:20