Раководителката на данската агенција за лекови, Тања Ериксен, колабираше како покосена сред прес-конференцијата на која беше објавено дека Данска трајно престанува да ја користи вакцината на Астразенека.

Не, не од ковид-19. Многу вируси знаат да нè инфицираат а да не нè разболат, бидејќи за вирусот, мртов домаќин е ќорсокак. Никој не знае дали коронавирусот ќе тргне во тој правец но во оваа фаза станува јасно дека главни ѕвезди на нашата борба против ковидот не се анти-телата (со кои и натаму сме опседнати) туку Т-клетките.

Европската комисија одлучи дека нема да го продолжува договорот со двете компании за снабдување со вакцини против ковид-19 по неговото истекување следната година.

Можеби мажите полесно губат клучеви и новчаници ама па жените не ги додржуваат своите анти-тела против ковид, кои, и онака ги имаат помалку од мажите. 80% од оние кои биле асимптоматски случаи а имале анти-тела, после 6 месеци - ништо. 

Ефикасноста на кинеските вакцини не е висока, е најдоброто нешто што кинеските власти имаат да го кажат за своите вакцини.

Изложеност на сончева светлина би можело да има потенцијал на здравствена мерка за намалување на стапката нa смртност од ковид, навестува студија оид Унивeрзитетот во Единбург утврдувајќи линк меѓу посончевите делови и помалата смртност.

Европскиот суд за човекови права застана на страна на задолжителното вакцинирање, одлучувајќи дека тоа не ги прекршува човековите права и дека е неопходно во демократските општества.

Тазе студија од почетокот на април вели дека за билдање на силен имунолошки одговор битно е двапати да се дојде во контакт со непријателот - вака или онака.

Кај секој трет преживеан од тежок ковид е дијагностицирано психијатриско или невролошко заболување во рок од шест месеци по заразувањето.

Денеска е шести април 2021 година, точно една година откако Светската здравствена организација објави битно глобално упатство во врска со маските - дека не треба да носат здрави луѓе. Чисто да го одбележиме јубилејот на оваа сулуда година во која авторитети и инстанци на кои рационално им верувавме ни направија толку слаломи, што денес, искрено, и на најглупите антиваксери не можеш да им замераш.

Првата јавно објавена цел на Бајден околу ковид-19 беше САД да стигнат до 1 милион вакцинирања на ден. Сега се стигнати до 3 милиони. Следната цел им е 4 милиони.

Сегашните статистики откриваат две прилично трауматични бројки за мажите: прво, дека просечната големина на пенисот константно се намалува во изминативе децении, и второ, истото се случува и со бројот на сперматозоиди. И за сето ова е виновен тестостеронот, односно недостаток на истиот.

Ако губењето на осетот за мирис и вкус беше симптом за заразеност од коронавирус, новодетектиран симптом при оздравување од болеста е уште побизарен: осетот се враќа, ама, раштиман.  

Човештвото има една година или помалку пред првата генерација на ковид-19 вакцини да станат неефективни, заради што ќе биде неопходно нивно модификување, тврди поголем број епидемиолози, виролози и специјалисти за заразни болести.

Во случајот на АстраЗенека, регистрирани се 22 случаи на тромбоза на 17 милиони вакцинирани. Тоа е помал ризик од оној кој го носи аспиринот и неспоредливо помал од ризикот на обично седнување во кола. Колку време се колебате дали вреди ризикот да се седне во кола и да се одвози некаде?

Сценариото дека ковид-19 е создаден и протекол од лабораторија е „екстремно неверојатна“ се наведува во извештајот од заедничката истрага на СЗО и Кина за потеклото на пандемијата.

Извештајот поднесен во СЗО и регионалните тела, покажува дека оваа варијанта има 10 пати повеќе мутации отколку во која било до сега идентификувана верзија на ковид-19.

Американските власти тврдат дека Астразенека можеби им испорачала застарени податоци за тестирањето на вакцината за ковид-19, заради што дале некомплетен преглед за ефикасноста на вакцината.

Примањето на втората доза од вакцината се претвори во некакво си корона матурирање, кога човек ги спушта сите гардови и тргнува во прослава на својата новостекната авенџерска надмоќ над вирусот. И речиси и да не може да биде попогрешно од тоа.

Над 350 доктори од цел свет тврдат дека има се поголем број докази дека ковид-19 може да предизвика дијабетес (и тип 1 и тип 2) кај некои пациенти, една подгрупа од нив дури тврди дека ковидот може создал целосно нова форма на дијабетес.

До сега дваесетина европски држави привремено го стопираа користењето на вакцината на Астразенека, што во пракса само дополнително ги напна односите меѓу експертите за безбедност на вакцини и одговорните за јавно здравје кои стравуваат дека ова ќе го зголеми бројот на жртви на пандемијата.

Истрагата е започната откако 57-годишен маж умира само неколку часа по вакцинирањето со контроверзната вакцина на Астразенека.

Најголемото олеснување што денес се чувствува е што може отворено да се зборува за потеклото на ковид-19 (дали е од лабораторија или од животно...) без притоа да звучиш како да го поддржуваш и цитираш Трамп. Кога СЗО тргна со истрагата во Вухан целта беше непогрешливо да се утврди потеклото. Целта, за сега, не е постигната.

Бајден објави план за борба против пандемијата кој предвидува дека САД на Денот на независноста ќе може да ја „обележи независноста“ од ковид-19, што би значело до тогаш да бидат вакцинирани сите над 320 милиони Американци.