Ниту четвртина од Американците не одговориле позитивно на прашањето: "Дали вчера прочитавте печатен весник?"

14 месеци затвор за уредникот на италијанскиот Ил Џорнале. За навреда, напишана од анонимен коментатор. Чекајте, има пресврт.

На Рене Реџепи (по татко Албанец од Македонија) чиј ресторан "Noma" во Копенхаген е прогласен за најдобaр ресторан на светот за 2012-та година не му е туѓо да се појавува на насловни страници на светски познати магазини од калиброт на Тајм. Извонредно креативно решение е неговата насловна за магазинот Clase Premier, каде Реџепи е портретиран со помош на неговото најсилно оружје - храната. По објавувањето на насловната, Рене твитна: Келнер, имам ракче во окото :)

11 години подоцна и годишнината од нападите од 11-ти септември речиси и да ја снема од насловните на најголемите њујоршки весници.

Претседателот на спортската групација на ЕнБиСи, објави дека телевизијата некако не успеала да направи профит од Олимпијадата. Се на се, тие се на нула.

Од една страна е Парамаунт, од другата страна е синот на Марио Пузо. Тема - кој ги има авторските права за објавување книги од Кум серијалот.

До пред некое време магазините го користеа Фотошопот исклучиво за слабеење на манекенките од насловна. Сега работите радикално се имаат сменето.

Напнати од драконски строгите правила за рекламирање наметнати од МОК, британски веб сајт започна "Fauxolympics" конкурс за најдобра не одобрена реклама на Олимпијадата.

Никој не вика дека треба да се кине дипломата или дека е време за депресија, ама дечкото што е комплетен морон на Jersey Shore, годинава направи еден тон пари.

Доколку примерот на Њујорк Тајмс стане парадигма во светот на новинското издаваштво (вклучувајќи го и електронското), тогаш има добра вест за редакциите и не баш толку добра за читателите. Првите ќе зависат од своите читатели а не од адвертајзерите. Вторите ќе мора да се навикнат на претплата.

Дали тоа времето стварно не чини или таквото чувство ни го создаваат телевизиските метео прогнозери кои изгледаат одушевени кога имаат повод да најават лошо време.

BBC ја обелодени листата на своите најплатени ликови и на прво место е авторот на глобално популарното авто-мото шоу Top Gear. 52 годишниот Џереми Кларксон лани од него заработил преку 3 милиони фунти.

На почетокот, интернетот беше најголемиот благослов во историјата на порно индустријата. Неполна деценија подоцна, токму интернетот ја сотре порнографијата.

Откако Гадафи беше убиен како бубашваба а свргнатите режими не ги наследија баш демократски рози, BBC признава дека во известувањата за Арапската пролет малку претерале со својата еуфоричност.

Од серијалот "Како ЕУ се справува со кризата" имаме епизода поврзана со медиумите. Шпанија реши да ја поддржи медиумската сцена во земјата така што  им дозволи да рекламираат проституција. ЗНМ засега без коментар.

Ако нешто е константно во светот на рекламите тоа е сексот, како по застапеноста, така и по успехот да продаде нешто. И така е барем во последниве 30 години.

Откако им пројде кривичниот дел од тужбите против компанијата и нејзините сопственици, сега адвокатите на Њуз Корп. под полна воена спрема ги чекаат приватните тужби за прислушување на мобилните.

BBDO NY е агенција на годината, Ogilvy & Mather е прогласена за најдобра мрежа а мексиканскиот ресторан Chipotle e најдобра видео реклама на годинешните Clio награди за адвертајзинг и дизајн.

Ако го тргнеме на страна спасувањето на светот, зборуваме за богаташ кој живее во својата таинствена вила на периферијата од градот, со својот батлер и едно младо момче.

Најголемиот дел од женските списанија се преполни со статии од типот "10 начини како..." или "10 правила како..." кои во суштина важат и за мажи и за жени, и изгледа навредливо кога тие им се посветени само на понежниот пол, кој ете и понатаму треба да се бори да ги стигне мажите.

Минатата година на "амбиент адвертајзинг" (рекламирање на кутии за пица, влезници за кино и слично) биле потрошени 630 милиони долари. Ова е сума која се очекува да расте.

Една од слободите што ја имаат кинеските медиуми е да им наплаќаат на странските компании за добар публицитет. И тоа како ја користат.

Најновиот криминал за кој е обвинет Њуз корп. е дека компанијата плаќала за пробивање на заштитата на картичките на конкурентските сателитски канали.