Продажбата на реклами на Олимпијадата пораснала на 1,25 милијарди долари, што е речиси 50% во однос на парите што телевизијата ги заработи од Пекинг. Игрите во Лондон се и најгледан настан во историјата, успевајќи да привлечат 219,4 милиони гледачи во САД.
И покрај добрата продажба на реклами и рекордната гледаност, недостатокот на профит се должи на тоа што ЕнБиСи за правата плати 1,18 милијарди долари. Во овие пари не се вклучени трошоците за продукција, промоција, превоз и престој на персонал во друга земја, осигурување и други трошоци.
ЕнБиСи потроши дополнителни 4,38 милијарди долари за ексклузивните права за пренос на Олимпијадите до 2020-та.
