Како што на забар не треба да се оди само кога те боли заб, така и на брачно советувалиште не треба да се оди само кога веќе ги имате исцртано фронтовските линии по дома.
Британски милионер муслиман има отворено дејтинг сајт кој на мажи им помага да ја најдат својата втора или трета жена. Се регистрирале над 35.000 Британци.
Технички, парите ги има заработено Владимир Потанин, еден од најбогатите Руси. Технички, Владимир, нема никаков предбрачен договор со неговата прва сопруга Наталија Потанина. Технички, на Наталија и следуваат пола од парите.
Тазе венчана двојка од Кина ја минале нивната прва брачна ноќ препишувајќи го уставот на нивната држава. Word count: 17.000 зборови. Цел: да ја помогнат националната кампања за подигнување на свеста за вредностите на кинескиот систем.
На самото запознавање на човештвото со земјоделството се случува еден клучен пресврт во однесувањето на луѓето - нашите предци од зорт се откажуваат од полигинија (форма на полигамија каде само мажот има право на повеќе партнери).
Популарниот и ултра богат водител на Фокс е највлијателниот медиумски јуришник на конзервативната Америка, онаа која се колне во религиозноста и семејните вредности. И, штотуку го изгуби старателството над своите деца.
„Напред беше поарно" - би ви рекла прабаба ви, да можеше да се сети на нејзините љубовни доживувања од младоста. Во минатото идните сопружници живееле релативно блиску едни до други, во исто или соседно село, или во исто градско маало. Денес е малку поинаку.
Две статистики. Прва - 42% од татковците родени по 1980-та се чувствуваат истрошени од постојано балансирање меѓу работа и приватен живот. Втора - 40% од луѓето во долги врски ќе имаат афера. Бонус, 56% од мажите што изјавиле дека имаат афера се среќни од својот брак.
Кажуваш негово или нејзино име, даваш контакт, плаќаш 30 долари и компанијава го спроведува целото раскинување во твое име, без да треба да кажеш ни збор. Логиката зад целиот бизнис е - луѓе му плаќаат на Тиндер за да ги внесе во врска, зошто да не плаќаат за некој да ги извади од таму.
По стотици илјади абортуси заради незадоволство од полот на бебето, и уште толку непризнаени и напуштени деца, Кина деновиве ги укина правилата за планирање на семејството (едно дете по семејство). Потег кој сериозно не им беше планиран на производителите на кондоми.
Иако глобалното сексуално образование генерално промовира апстиненција и пазење, Данците под притисок на се помалиот број новороденчиња малку го проширија ова во спротивен правец и го дополнија со предупредување до тинејџерите за ризиците од предолго чекање да имаат деца.
Каталогот и изложбените простори на познатиот производител на мебел се идеализиран дом во кој владее мир и хармонија. Но купувањето, а особено составувањето мебел од Икеа е чест повод за распаѓање на врски. Во услови на лажна хармонија најлесно доаѓаат до израз деталите од реалната нехармонија.
Соби за рчење е последниот шик на богатите за зачувување на мирот на својот сон. Кога тој мир не е пореметен од трубите на совеста туку од рчењето на партнерот.
По одлуката на американскиот Врховен суд, во САД веќе не постојат еднополови бракови. Постојат просто - бракови. "Љубовта победи" е сумарниот слоган на слободарските кругови во светот. Конзервативците мислат поинаку. Кај нас лидерството на ЛГБТ заедницата проценило дека треба да праќа мртовечки венци.
Две години откако беше фатен дека има паралелна врска со една од вработените (она 20 и нешто, он скоро па 40), Сергеј Брин деновиве многу тивко и без многу ширење информации се разведе од својата сопруга.
Убаво и благородно звучеше она дека жената треба да се цени и по тоа што прави за семејството, како домаќинка и мајка. Во најновиот развој на настаните, таквото ценење добива форма на паричен бонус, како во компанија.
3-годишната ќерка за ручек и бара макарони и сирење. Потресената мајка инстантно ја исполнува нарачката, додека ќерката има уметнички перформанс на белиот ѕид со маскара од 20 долари. Кога е готово јадењето, ќерката непоколебливо декларира дека не го сака тоа, сака шпагети, го фаќа јадењето и го фрла на патос. Мајката е автор на книгата за деца - 3-годишните деца се шупци.
Не дека малите ќе имаат разбирање ако им ја покажеш статијава наместо да им купиш таблет за роденден, ама студија на Универзитетот на Мисури препорачува да се смирите малку со подароците.
Американскиот нафтен милијардер Херолд Хем пред некое време изјави дека е фер од разводот со него екс сопругата да добие една милијарда долари. Но, потоа цената на нафтата почна стрмоглаво да паѓа.
