Со палки ги почастил министер во централната индиска држава Мадја Прадеш кој сакал да го осветли проблемот со домашното насилство во неговата земја, особено во руралните делови.
Сценариото на таквото насилство е глобално класично: мажот ќе се испијани, ќе ги спичка сите домашни заштеди за алкохол а на крај уште ќе биде и лут па ќе се истури врз жената.
Околу 40 сантиметри долги, подарените палки се онакви кои обично се користат за перење алишта но на овие свадбениве експлицитно им е назначена нивната употребна вредност. На нив пишува: Против пијаничишта.
За идните мажи кои мислат дека куртулиле па ја скокнале оваа масовна венчавка, министерот има лоши вести: нарачал 10.000 вакви палки.
