Кога дојде Бајден на власт ги објави разузнавачките документи за убиството на новинарот Џамал Кашоги, па односите меѓу САД и Саудиска Арабија се напнаа. Сега ФБИ по 20 години објави документи за вмешаноста на Саудијците во нападите од 11 септември.

Главната пандемиска догма викаше дека изолацијата спасува животи а хистерични медиуми тоа го преведоа како слободата да е смрт. Последниот извештај на СЗО за „вишокот смрт“ покажува дека равенката никогаш не беше така едноставна. Дисциплинираната Германија има повеќе вишок загубени животи од лабавата Шведска.

Меѓу разузнавачките информации со кои САД ја преплавуваат украинската војска посебно место имаат дојавите за руските генерали. Украинските власти тврдат дека до сега убиле отприлика 12 руски генерали.

Пандемијата и војната во Украина создаваат услови за „совршена бура“ на глобалната криза за храна. Ако се запостави северна Африка, ете ја Северна Африка во Европа. Ако се запостави Блискиот исток, ете го Блискиот исток во Европа. А во моментов, сето тоа се запоставува.

„Лаењето на НАТО пред вратата на Русија“ можеби доведе до инвазијата на Украина, порачал папата Франциско кој искрено не е на чисто и околу тоа дали земјите низ светот треба да продолжат да ја снабдуваат Украина со оружје.

Командата на украинската воена авијација призна дека пилотот што популарно се водеше како „Духот на Киев“ всушност е легенда измислена од украинскиот народ.

Пред 20-тина години, еден од нив бучно маваше на воените тапани и навиваше да се тргне на поход на Ирак. Другиот тврдеше дека ако се тргне заради наоѓање оружје за масовно уништување, бадијала ќе се оди зашто Садам го нема тоа. Да видиме каде се тие двајца две децении подоцна.

Најновиот бран насилство меѓу Арапите и масалитските племиња во западен Дарфур завршија со преку 200 мртви и стотици ранети. Реакцијата е рутинска кога се работи за вакви делови од светот: Обединетите нации побараа Судан да поведе истрага за случајот. А Судан го води генерал чии луѓе пред три години убија стотина мирни протестанти.

Откако ја нападна Украина, Русија ги удвостручила приходите од извоз на фосилни горива и за само два месеца наплатила 66 милијарди евра. Најголем купец е Европската унија која платила за преку 70% од рускиот извоз. Повеќе од која друга било земја купила Германија, а по неа е Италија.

Се чини дека Америка е уморна од размислување и само сака да навива. За војната во Украина дилемите се само дали им треба оружје или пак повеќе оружје. Тој што е против војната и повикува да се разгледаат сите опции, тој не стигнува до големите медиуми.

Брисел знае дека живее на позајмено време. Кога ЕУ олигархијата вели дека победата на Макрон значи дека на Франција ќе може да смета уште пет години, тоа истовремено е признавање дека можеби нема да може на неа да смета уште долго.

Ако Германија одбива да престане со купување руски гас, тогаш и таа треба да се соочи со санкции, а секој во моментов што купува германски производи ја финансира војната на Путин, порачува британски Телеграф.

Актуелниот американски претседател му соопштил на Обама дека планира пак да се кандидира на изборите за претседател во 2024. На почетокот од првиот мандат Бајден беше постар од кој било американски претседател што бил на крајот од својот мандат.

Саудискиот престолонаследник му се истурил на американскиот национален советник за безбедност Џејк Саливан, откако овој на МБС му го спомнал убиството на новинарот Џамал Кашоги.

Иако за Украина прави веројатно повеќе од сите други земји, Германија постојано е на мета на Киев кому те му е малку тоа што му доаѓа како помош, те му е доцна. „Уште поиритантно од безобразлукот на Киев е однесувањето на некои европски земји,“ пишува уредник во Дојче Веле.

Од ентузијазмот околу Бајден останато е многу малку, а веста во бројки јавно ја соџвака Си-ен-ен тој ем е со најнизок рејтинг од почетокот на мандатот, ем рејтингот му е понизок и од оној на Трамп.

Крајно десничарска група објавува дека планира да одржи палење на Куранот во Шведска. Настанот заврши со 9 повредени полицајци, 3 повредени и 40 уапсени муслимани и 0 запалени курани.

Заради масовните операции и финансиски интерес што го има во и од Кина, ЦЕО-то на Епл треба да биде заведен како странски агент во САД, а САД треба да размисли и за формирање на „економско НАТО“.

Во масовната чистка на Федералната служба за безбедност најлесно минаа тие што останаа само без работа, а најтешко, за сега, поминува нивниот шеф и раководител на одделот за Украина, Сергеј Беседа, кој заврши во затвор под управа на ФСБ во близина на Москва.

Во понеделникот беше објавено дека бразилската војска купила илјадници вијагра апчиња за своите војници, за еден ден подоцна ова да биде дополнето и со информацијата дека војската исто така купила и импланти за пенис.

Украинскиот претседател го одбил барањето на германскиот претседател да ја посети земјата заедно со другите европски поличари. Зеленски и владата во Киев знаеле за неговите добри односи со Русија па решиле дека претседателот на Германија е непожелен за посета на Киев. 

Израелските власти прават рутинска проверка на шолји за чај/кафе што израелско министерство ги има добиено на подарок од кинеската амбасада. По нивната проверка истрагата ја продолжува Шин Бет.

Убедливата победа на Макрон во 2017 година и неговите центристички, технократски и про-ЕУ политики се чинеше дека на подолго време ќе ги остават популистите и десничарите во длабока политичка дефанзива. Ама, еве ги, повторно му дишат во врат.

Новинарот на американски Политико кој прави неделен извештај за светски теми, ги предупредува читателите дека победи не се освојуваат само на воено поле „со други зборови, можеш да победиш дури и кога си понижен на воено поле“.