Целата операција се сведува на две точки. Прво ги купуваш најскапите оружја во историјата, второ, не користиш речиси ништо од нив бидејќи најголемиот дел од новото оружје што си го купил не работи.

Бројката на Ујгури во Кина се движи меѓу 11 и 15 милиони луѓе (зависи кого прашаш), и за сега Обединетите нации и САД се главни критичари за начинот на кој Кина ги третира муслиманите во својата земја. Во исто време, стандардно гласните и (финансиски) активни муслимански земји низ светот се неми на темата.

Ако некој нема недостаток од загаден воздух тоа се Кинезите. Позитивна страна на вака несреќната околност е што можат пообемно да ги истражат последиците што живеењето во гнаса од градови го има врз огромни бројки од луѓе.

Русите за септември ја најавија најголемата воена вежба после завршувањето на Студената војна на која воени игри ќе симулуираат неверојатни  300.000 војници. Две дополнителни главоболки за Алијансата: 1) на руската вежба ќе учествуваат и Кинези 2) НАТО уште е без Македонија.

На почетокот на 1800-те Британците со дозвола на Турците, тогашните владетели на сè во овој дел од светот, од Грција одземаат непроценливи национални богатства од времето на античка Атина. Грците веќе со децении се обидуваат да им објаснат на Британците дека тоа се вика крадење и дека е фер истите плочи да им бидат вратени. Благодарејќи на брегзит тоа може и да им успее.

Откако комплетно го изолираа Катар (до таму што имаат намера и од полуостров да го претворат во остров), Саудијците одлучија на комшиите да им го забранат и пристапот до Мека.

На почетокот од летово ЕУ одлучи приливот на мигранти да го решава крајно корпоративно, по сега веќе традиционален рецепт - да му плати на некој друг да му ја мисли за нив.

Скандинавската држава моментално е исправена пред бран на криминал и насилство подеднакво сериозен како финансискиот крах на земјата во 1990-те, алармира најверојатниот следен премиер на земјата.

Претстојното своеволно заминување на Британија од ЕУ најверојатно ќе значи повторно околчување на границата меѓу Ирска и Северна Ирска. Ако имате гледано барем едни вести пред 1990-та година, знаете како изгледаше тоа.

Како што сам себе се покани во Европа како месија на крајната десница, така поранешниот советник на Трамп и сам се спакува да се враќа назад во САД откако не успеа да се разбере со никого од своите колеги од крајната десница од оваа страна на Атлантикот.

Не дека Трамп би признал руски суверенитет врз Крим, ама сака опциите да му се отворени и да не му ги ограничуваат со Устав дадените права на признавање што ќе му текне.

Додека популарноста на капитализмот во САД е во постојан пад, социјализмот (како идеја) стабилно се држи и има посебна поддршка кај демократите и младите луѓе во земјата.

Националниот авио-превозник и еден од најголемите телеком оператори, Туркиш ерлајнс и Турк телеком, го повлекоа целиот свој буџет за рекламирање во американските медиуми како одговор на кризата што периодов се билда меѓу двата НАТО сојузници.

За експертите прерано е да се знае што точно го предизвика рушењето на Моранди мостот во северно-западна Италија во кој загинаа најмалку 35 лица, ама имаат приближна претстава како најверојатно катастрофата се има случено.

Зборувајќи за падот на вредноста на лирата во однос на доларот, околу 10% во изминатите 5 дена, Ердоган се повика за финансиска стратегија која ама еднаш на никого никаде му нема помогнато: „ако тие го имаат нивниот долар, ние го имаме нашиот народ, нашата правда и нашиот Алах.“

Белата куќа официјално ја објави својата намера и план за формирање на вселенски сили, како 6-та гранка на американската војска. За почеток ова во пракса прво ќе значи тегнење на предлогот низ Конгрес во следните најмалку две години.

Сириски бегалец кој изминативе 8 години живее во Германија и пишува колумни, во отворено писмо го повика секој Австриец да ги дели своите пари и домот со бегалци, бидејќи „интеграцијата функционира само ако е двострана - само едната страна не е доволна.“

И во врвот на Студената војна, германските домови се греат благодарејќи на горивото испорачано преку 4.000 километри долгиот советски нафтовод Пријателство. Иако Пријателство ќе продолжи со работа, апдејтот на руско-германската соработка во форма на Северен тек 2, е сериозен извор на проблеми и притисоци врз Меркел.

Извештајот на германското сојузно министерство за социјални прашања покажува дека за комплетниот систем за социјална заштита во земјата минатата година биле платени 965,6 милијарди евра.

29-годишната Мариа Бутина која пред неколку недели беше уапсена во САД под обвинение дека е руски шпион кој се обидува да се инфилтрира во републиканските кругови, сама на пијано се има издадено дека е руски шпион, и тоа не еднаш туку неколку пати. Со други зборови Русите во САД распоредуваат шпион кој не држи алкохол и кој не молчи за својата задача.

По наредба на рускиот претседател создаден е директорат за промовирање на патриотизам во руската армија. Потегот речиси инстантно евоцираше спомени на еден слична пракса од СССР во која политичките комесари промовираа Марксизам и Ленинизам.

Откако Трамп преку Советникот за национална безбедност, Џон Болтон, пушти абер дека сака Путин да му дојде на гости во Белата куќа, реакцијата на рускиот претседател беше - ништо. Цели пет дена ниту ја прифати, ниту ја одби поканата.

Британски медиуми објавуваат протечени мејлови според кои Катар ангажирал пи-ар агенција и поранешни агенти за ЦИА со цел ширење на лажна пропаганда за главните конкуренти за организирање на Мундијалот во 2022, САД и Австралија.

Составувајќи го случајот против Ел Чапо, американското обвинителство како доказ испорача и еден список на луѓе убиени по нарачка на првиот човек на Синалоа картелот. Како што обично бива кога обвинителство ќе почне да работи на рекла-казала и урбани легенди доказите баш и не излегуваат најстабилни.