Дрогата запленета на пристаништето во Џенова е со вкупна вредност од 500 милиони евра, а освен Италијанците во нејзе учествуваат и британска, колумбиска и шпанска полиција. Пратката тргнува од Колумбија и пристигнува во Џенова од каде треба да биде префрлена во Барселона.
За да ги уапси шверцерите од Барселона, италијанската полиција ја задржува пратката од 1.800 цигли чист кокаин кај себе, и ја заменува со сол, кој е пуштен на пат за Шпанија. Во каталонската престолнина, полицијата апси 59-годишен Шпанец кој наводно бил примател на пратката.
По пристигнувањето во Џенова, полицијата има 4 часа да реагира околу кокаинот, а да не предизвика никаков сомнеж. За акцијата се ангажирани 40 италијански војници, кои ја истовараат пратката од Колумбија и ја заменуваат со 1800 пакети сол, плус ГПС уреди кои на крај ги носат до 59-годишниот Шпанец.
Само неколку дена претходно италијанските власти запленија 644 килограми кокаин скриени во кафе пренесувано во еден од илјадниците контејнери на португалски карго брод.
