Мохамед Дабоне е роден 21-ви октомври 2011-та година во Буркина Фасо. Уште нема ниту 15 години а веќе е главна тема на муабет во европските кошаркарски кругови. Тој е висок 210 сантиметри и неколку години е феномен на европската кошарка. Дабоне веќе игра со пет, шест, седум години постари играчи а наскоро ќе заигра и во првиот тим.

Соочени со пораст на стриминг платформи популарни веќе со години, националниот тим на Шпанија покажува дека сè уште постојат настани кои успеваат да ги зближат сите генерации на едно место, а тоа е телевизорот.

Шпанија го владее фудбалот. Само во последните четири години освои Лига на нации 2023, Олимписки игри 2024, Европско 2024 и Светско 2026. Кога овие успеси ќе се спојат со клупските, резултатот е надреален.

Ламин Јамал - Педро Поро - Нико Вилијамс - Феран Торес = светска титула за Шпанија. Ова се тие клипови кои ќе имаат вредност и после 100 години.

Погледнете ги резултатите на Шпанија, за да го сватите насловот. Кабо Верде или Зеленортски Острови беа единствената пречка за светските прваци. Неверојатно. Дебитантите со број на жители помалку од Скопје, во група не загубија од никој и згора на сè стигнаа до нокаут фаза. Таму пак не загубија ниту со минатиот светски првак во 90 минути и поклеткаа дури во продолженијата.

Шпанија е во транс. Светските прваци се вратија дома, а проценките се дека во Мадрид ги пречекале околу 2 милиони луѓе. Шампионската парада според традицијата се одвиваше со панорамски автобус на кој стрелецот на голот во финалето Феран Торес се појави со капче „Make Spain great again“. Прославата продолжи организирано на бина, каде се појавија шампионите, а беа пречекани и во Кралската палата.

Снимателот кој работи за Шпанската фудбалска федерација, влезе на терен само што Шпанија ја заврши работата против Аргентина. Ова се драгоцени историски моменти за архива.

Само осум земји се имаат израдувано на мундијалскиот трофеј. Шпанците стигнаа до втората титула, со која ја поминаа Англија, а ги стигнаа Франција и Уругвај.

На Славко Винчиќ му се отвори работа и по последниот судиски свиреж. Аргентинската крв зовре на крајот, а во центарот на вниманието беше Леандро Паредес кој влезе во клинч со Шпанците. На камера е фатен уште еден тепач, а тоа е помошникот на Скалони, Роберто Ајала. Аргентинците не можеа да се помират што не ја одбранија титулата.

Една година откако беше десно сметало во друштво на светски клупски првак Челси, Доналд Трамп го повтори киксот и сега за век векова ќе биде дел од видеата и фотографиите направени со светскиот првак Шпанија. Родри се обиде да му укаже дека не му е таму местото, потоа и Џани Инфантино. Не бре брате. Како на ѕид да му збори човек.

По пауза од 16 години, селекцијата на Шпанија стигна до светскиот трон и тоа само две години откако ја освои Европа. Титулата е целосно заслужена. Аргентина не одигра ништо. Финалето го заврши без ниту еден удар во рамки на гол и тоа во 120 минути фудбал. Црвен картон за Енцо Фернандез во 93 минута. Гол за историја на Феран Торес во 106 минута. Финале за паметење беше Катар 2022. Ова нè измачи.

Селекцијата на Шпанија има одиграно и победено само едно мундијалско финале во историјата. Она во Јужна Африка кое го реши Иниеста во 116 минута. Аргентинците имаат три освоено и три загубено.

Весна Витанова e екс македонска репрезентативка и прва жена од Македонија со лиценца за тренер на УЕФА и ФИФА. Во само неколку реченици ја објаснува филозофијата на игра на Шпанците.

Шпанија е првиот финалист на Мундијалот, откако вечерва во Далас ја надигра и ја победи Франција со 2:0. Актуелниот европски шампион ќе игра мундијалско финале по пауза од 16 години. Петти гол за Микел Ојарзабал кој реализираше пенал во 22 минута. Педро Поро го затвори мечот во 58 минута.

Моќна минутка со моќни ликови од две моќни селекции кои вечерва очекуваме да ни приредат спектакл и ништо помалку од тоа. Да се потсетиме на нивното осминафинално соочување на Мундијалот пред 20 години.

Европскиот шампион Шпанија е втор полуфиналист на Мундијалот, откако по голема борба ја доби Белгија со 2:1. Микел Мерино втор пат по ред е човек на одлука. Против Португалија во 91-ва, овој пат во 88-минута. Сене Ламенс киксна на голот, откако го замени Куртоа кој се повреди. Фабијан Руиз го отвори резултатот во 30-та минута, 11 минути подоцна израмни Де Кетеларе. Полуфиналето Франција - Шпанија се игра во вторник со почеток од 21 часот.

Зеленортските Острови играат чудесно историско Светско. Ниту победија, ниту загубија натпревар во групната фаза и како дебитанти стигнаа до сензационален пласман во нокаут фаза. Тие се најмалата земја во историјата која успеала да стигне до ваков успех. Шпанија го испрати Уругвај дома.

Шпанија пред заминување на Светско одигра само 1:1 против Ирак на пријателска во Ла Коруња. Резултатот го отвори Феран Торес во 16. минута, а го затвори Мерхас Доски, кој го шокираше Жоан Гарсија со уникатен гол. За голманот на Барселона ова беше само втор репрезентативен настап.

Втората фаза го разгоре Европското во ракомет во групата 1, каде се наоѓаат главните претенденти за медалите. Норвешка ја совлада Шпанија со 35:34 после драмолетка во финишот. Шпанците со два играчи повеќе испуштија напад за реми на неверојатен начин. Последната акција беше решена со ВАР. Погледнете ја херојската одбрана на Педерсон, кој го заврши мечот со 11 гола.

Шпанија едноставно ја крие топката. Тоа како да им остана во наследство од Чави, Иниеста и бандата. Погледнете колку течно, умешно и атрактивно умеат да играат во напад. Турците шест пати ја вадеа топката од мрежа.

2 минути и 40 секунди до крај: Шпанија - Белгија 65:53. Конечен резултат: 65:67 или серија од 14:0. Гледаме и не ни се верува. И тоа зборуваме за финале на Европско првенство, кое кошаркарките на Белгија го освојуваат два пати по ред. Луда работа е ова. Скроз на скроз. Ко финалето од ЛШ 1999, Манчестер - Баерн.

Најпознатиот шпански навивачи, Мануел Касерес Артесеро, попознат како Маноло „Ел дел Бомбо“, починал во четвртокот на 1-ви мај на 76-годишна возраст. Престанало да чука срцето на човекот кој ритмички и го подаруваше на шпанската фудбалска репрезентација повеќе од 4 децении!

Луда четвртфинална ноќ во Лига на нации. 4 меча - 21 гол. Германија - Италија 3:3, Шпанија - Холандија 3:3, Португалија - Данска 5:2 и Франција - Хрватска 2:0. Само првиот од четирите дуели се реши во 90 минути игра. Португалците победија во продолженија, а Франција и Шпанија на пенали. Бујрум.