Пред околу 15 години кога се преселив во Шпанија, бев сведок на нивниот систем кој беше штотуку вметмелен во сите фудбалски академии и направи огромна тактичка промена која денес е стандард во развојот на играчите.
Наместо играчот прво да ја прими топката, а потоа да размислува што понатаму, акцентот се стави на скенирањето на теренот.
Играчите се учат постојано да ја вртат главата и да ја набљудуваат околината уште пред да ја добијат топката. Со тоа, кога топката ќе пристигне до нив, тие веќе знаат каде се соиграчите, каде е противникот и каде треба да оди следниот пас.
Така се намалува времето на одлучување, се зголемува брзината на играта и се создава предност над противникот.
Овој принцип е една од главните причини зошто шпанскиот фудбал со години произведува технички и интелигентни играчи.
Скенирањето пред приемот на топката не е само навика – тоа е вештина што овозможува побрза игра, подобри одлуки и контрола на натпреварот.
Едноставно правило кое го следат:
ПРВО СКЕНИРАЈ, ПОТОА ПРИМИ, ПА ОДИГРАЈ!
