Норвешка ја потврди формата од квалификациите за СП, каде во два наврати ја декласираше Италија. Со 4 комада против Ирак и 3 против Сенегал, веќе е учесник во нокаут фазата. Навивачите веслаат, ама веслаат и јунаците предводени од капитенот Мартин Одегард.

Радо посакуваме во клипов да беше Македонија со глас на колегите од Арена. Арена на македонски ја добивме, останува уште нашите да стигнат на Светско, што би било кулминација после историскиот пласман на Европско. Одиме со ден број 11 од Мундијалот и компилација која многу е повозбудлива за гледање и слушање, кога секој коментатор како задача добива да ја коментира својата земја.

Два гола на Меси, два на Мбапе, два на Халанд во второто коло. Најдобрите напаѓи во светот веднаш се издвоија и го направија уште појак мундијалскиот фудбалски празник. Норвешка - Сенегал 3:2 во меч кој се одигра во 4 часот наутро по наше време. Во И групата, Франција и Норвешка имаат по 6 бода, а во трето коло ќе играат меѓусебе.

Двократниот светски првак по ред, лесно излезе на крај во групната фаза на Мундијалот. По триумфот од 3:1 против Сенегал, со 3:0 го совлада и Ирак. Килијан повторно ги држеше конците со нови два гола и сега има 16 колку Клосе. Меси избега на првото место 18 комада на Светските првенства.

Во четвртфинале на Светско првенство 1986-та, на стадионот „Ацтека“ во Мексико каде и денес се играат натпревари од Мундијалот 2026, пред 40 години на денешен ден 22-ри јуни Диего Марадона ги даде двата најпознати гола во историјата на фудбалот. 

Ако некој разочара по првите две гола тоа е Турција. А кој изненади? Cape Verde или на нашки Зеленортските Острови, кои на мундијалското деби стартуваа со 0:0 и 2:2 против светските прваци Шпанија и Уругвај. Првиот гол во историјата ќе го паметот засекогаш. Шајка од 30 метри. БиБиСи во тој момент станува небитен.

Дебитантот со едвај половина милион жители игра лудо Светско првенство. По ремито 0:0 против Шпанија, му одигра јуначко реми и на фаворитот Уругвај и тоа со резултат 2:2. Првиот гол во нивната мундијалска историја ќе му остане запишан на Кевин Пина кој игра за Краснодар. Во трето коло против Саудиска Арабија ги чека нестварна битка за нокаут фаза.

Црвената фурија се разбуди после киксот со Зеленортските острови и фуриозно ги суреди Саудијците со 4:0. Мечот беше решен уште во 24 минута кога на семафорот стоеше 3:0. Јамал во 10 минута го запиша првиот мундијалски гол на 18 години. Следуваа два брзи гола на Ојарзабал во 21 и 24 минута. На стартот од второ аутсајдерите си постигнаа автогол.

Со оглед на тоа што се игра далеку од кај нас, во друга зона, главна тема на муабет беше дали ќе се игра додека спиеме. Да, има и такви термини, но и нормални за наше поднебје: од 18, 19, 21 и 22 часот. Сè друго е за луѓе што седат навечер како вампири. Фино е тука спакувано во една фотка.

Групите и термините се познати, играчите претставeни, Паниниманијата е во полн ек, а месецот е тој. Нема веќе клупски фудбал, се префрламе 39 дена на репрезентативен. Од 11 јуни до 19 јули. ФИФА на социјалните мрежи во 27 секунди ја крева атмосферата и ја најавува еуфоријата.

Иако стартот за најголемиот и највозбудлив фудбалски настан на планетата е на 11 јуни, ние да си го фатиме редот со време, бидејќи почнаа мејлови до фрчат со прашања: До каде е?

Интересен статистички податок кој ги поврзува последните три светски прваци на летните Мундијали? Ќе продолжи ли оваа низа со бранителот на титулата?

Уште недовршен клупскиот фудбал, кој ќе кулминира со финалето од ЛШ меѓу ПСЖ и Арсенал во сабота од 18 часот, за две недели нè очекува стартот на Мундијалот. Да се запознаеме со топката.

Маркетингот на учесниците на Светско им е пуштен на најјако. Сите промотивни видеа со составите на играчите на кои налетавме до сега, се одлично скоцкани и ептен гледливи. На ред е Англија.

Селекцијата на БиХ која четири години после Македонија ја суреди Италија во бараж, на Светско стартува на 12 јуни против Канада. Патот до втората групна фаза ќе го продолжи против Швајцарија и Катар. Нека им со среќа. Ќе им посакаме во живо, на пријателска на стадионот Кошево во Сараево, на 29 мај.

Дечки, Панини манијата е почната. Само пред да почнете, проверете си ги амбициите, односно џебот. Бидејќи со парите од еден пополнет албум, на одмор може да се оди. До 1.000 евра стигнува крајниот есап.

Админот на Моцарт им го најде чарето на јадните Италијанци. Со вајлд карта ќе одат. Готово, завршена работа.

На 100 дена до стартот, сè уште е нејасно дали Иран ќе игра на Светското првенство во САД. Земјата од која деновиве претрпува жестоки воздушни напади. ФИФА повикува на обединување.

На шест и кусур месеци до стартот на Светското во САД, Канада и Мексико, имаме 42 познати учесници, а слободни места имаше уште шест. Од екс ју земјите, за сега е само Хрватска. Словенија, Србија и Црна Гора ќе бидат гледачи, а Македонија и БиХ ја имаат последната шанса преку бараж.

Канада, Мексико и САД на 11 јуни следната година или за нешто повеќе од 8 месеци, ќе го пречекаат фудбалскиот свет. Почнаа да откриваат дел од маркетингот.

ФИФА се подготвува да одобри нови големи измени со кои за четири години ќе го донесе најголемото и најдолгото првенство во историјата на фудбалот. По одмори ќе се разотидеме додека дојде финалето.