Објаснува Лорне Казан, шкотски гајдаџија кој има дувано ЗА Мадона и „дувано“ СО Ентони Бордејн. Живее во Л.А., амбасадор е на брендот Balvenie и го вели ова:
Мит е дека виски треба да има мирис на дим или тресет.
„Само 10% од скочот е таков,“ вели Казан. Во Шкотска постојат пет традиоционални региони за виски, секој со свои карактеристики. Само два од нив даваат „димено“ или „тресетно“ виски.
Дрвото на бурето Е навистина важно.
„Карактерот и самиот ДНК на регионот од кој јас доаѓам (Спејсајд) се ноти на ванила и мед, веројатно затоа што користиме американски даб. Ние го заокружуваме скочот со втора бочва - цреша, рум, порто - и секоја од нив дава своја линија во конечниот вкус и го прави пијалокот покомплексен. На пример, европските даб-цреша комбинации даваат ноти на тутун и црно чоколадо.“
Бурето игра улога во бојата.
Ако скочот лежел во американски даб. ќе биде светол како шардоне, ако бил во црешово буре, како што старее, така ќе удира накај златен.
И уште за чашата.
Вообичената кратка, дебела чаша, со широк отвор за да ги собере коцките мраз, е добра за пиење. За вкусување Казан ја препорачува Гленкерн чашата.
Ако сте веќе спремни да наточите, еве ги петте златни правила за пиење:
1. Сервијрај ја пијачката на собна температура (што пак е посебен проблем бидејќи „“собна температура“ е контекстуален термин: во 17-тиот век собната температура била 17 степени, денес е 23 степени, прц).
2. Не ја врти чашата пред да пиеш, тоа ќе го довлечка алкохолот на површина и само него ќе го вдишуваш.
3. Донеси ја чашата под нос и лежерно вдиши, со отворена уста, за да допреш до повеќе ароми.
4. Кажи здравица и цугни малку. Притоа, не мора да мљацкаш како кога пробуваш вино.
5. Земи голтка каква што сакаш. Непцата веќе ти се подготвени за комплетно уживање.
* За јетрата, ти си знаеш.
