Цените на кафето на светските берзи во моментов достигнуваат луди височини, првенствено поради сушата која го погоди Бразил, најголемиот светски производител на кафе.
На пример, цената на кафето Арабика е скокната за 90 проценти и сè уште расте.
Од тие причини, ланецот Старбакс реши да престане со купување кафе во овој период и да почека да види дали се работи за привремена паника на берзата или пак за подолгорочно поскапување на нивната основна сировина.
Цел месец Старбакс нема купено ни зрно кафе и се потпира на залихите и на оние набавки кои се веќе заклучени,
"Ние бараме стабилност, а кога ти треба стабилност, не можеш да трчаш по пазарот," изјави главниот за набавки во познатиот ланец.
Жетвата на кафето во Бразил е на половина пат па Старбакс и сите други што живеат од кафе се надеваат дека крајните резултати ќе бидат пооптимистични од сегашните износи.
