Германскиот производител на оружје Хеклер и Кох повеќе нема да потпишува договори за испорака на оружје на земји што не се членки на НАТО, а и на некои што се.

Државната телевизија на Мароко во една од своите општествено корисни програми демонстрираше "како жените да ги покријат модриците со шминка и да продолжат со секојдневниот живот." Реакцијата на емисијата беше баш како што ја замислувате.

Новинарка на Бибиси по повод смртта на Кастро разговара со експерт на тема Куба. Разговорот го почнува со веќе спремната компилација "диктатор, човекови права, прогон, слобода на говор" и слични клучни зборови што стандардно го проследуваат Кастро во западните медиуми.

По арапската доаѓа време и за западна пролет, сметаат аналитичари во време во кое сè уште не може да се дижестира победата на Трамп и што таа значи за слободарскиот западен свет каков што досега го знаевме. Кованицата допрва почнува да се формира и полни со содржина но, се тркала наоколу....

Ако мачката има 9 животи, тогаш Фидел штотуку ја потроши својата 70-та мачка. Се вели дека кубанскиот револуционер преживеал 634 атентати. Ги надживеа сите свои смртни непријатели освен еден - капитализмот.

Сценариото е следно: објавените мејлови на Хилари откриваат постоење на тајно здружение на педофили чие седиште е пицерија во Вашингтон која се поврзува со блиски соработници на кандидатката за претседател. Бонус во приказната: Асанж (кој не е виден во јавност од октомври) најверојатно е убиен заради објавување на веста.

Пуританскиот дел од Британија е на праг да извојува голема победа ако пројде предлогот за забрана на видеа со неконвенционален секс. Да се објасниме директно: освен оние фетиш порничи, спенкувања и слично, во тоа би спаднала и познатата категорија "four fingers". Замислете вие држава да ви се меша колку прсти можете да употребувате во секс. 

Бибиси минатата недела во Сиднеј организираше прилично амбициозен собир со подеднакво амбициозно име "Самит на идеи што ќе го променат светот" на кој говорници од цел свет предлагаа свои идеи за подобрување на животот на планетава. Исходот, ова е она кога ќе кажат "смисли нешто паметно".

Обезбедувањето на Трамп додека е во Њујорк и чека да биде инаугуриран за претседател, ги чини градските власти нешто над 1 милион долари дневно. Добра вест за буџетот на градот е што за неполни 3 месеци Трамп се сели во Вашингтон. Лоша вест е што Меланија нема да оди со него.

Во 2006 на 17 години, Конор Мекгрегор се вработува како чирак водоводџија. Во 2007 ја има првата аматерска ММА борба. Во 2013 пред првата борба за УФЦ тој го подига месечниот чек од социјално.

"Јас не сум бел националист, јас сум националист. Економски националист", вели Стив Бенон, креаторот на победничката кампања на Трамп кој уште сега се смета за вториот најмоќен човек во поставата на идната Бела куќа. Човекот има пари направено со помош на истите оние кои ја поддржаа наизменичната струја на Тесла.

Не би бил политичар ако не би му текнало како и својот најголем пораз да го претвори во лична корист. Дејвид Камерон наплаќа 120.000 фунти за едночасовен говор за Брегзит. Тоа се 2.340 евра за минута.

По сите војни, освојувања и примирја географски Европа е дефинирана од Урал, Арас, Гибралтар и Босфор. Историски Европа се дефинира како цивилизација изградена на римското право и христијанството. По Шенген Европа се редефинира 8 пати.

Најстариот познат камен запис на 10-те божји заповеди отиде на аукција и тоа доволно говори за светот во кој живееме. Почнале од 300.000, купено за 850.000 долари. Господ засега се нема јавено за авторски права, а и да се јави, најверојатно ќе изгуби по судовите.

Не се работи само за тоа да влезеш во нечиј туѓ фејсбук профил. Се работи за влез во туѓа реалност, која не си ни знаел дека постои.

Самата Хилари верува дека за поразот е виновен Џејмс Коуми, директорот на ФБИ кој на само неколку дена пред изборите го извести Конгресот дека повторно ја отвора постапката против неа. Според луѓето од нејзината кампања причината е "збир неконтролирани ветрови во гради". Добар дел од демократите за ова ја обвинија нејзината кампања и стратегијата.

Откако компанијата New Balance го поздрави доаѓањето на Трамп, сопственици на нивни патики почнале театрално да ги горат и по интернет да ги шират таквите револуционерни фотографии. Некои модели на New Balance чинат и преку 500 долари.

За нас не е вест кога мртви луѓе гласаат. Вест е кога мртви луѓе ќе бидат изгласани. Е, тоа уште сме го немале. 

Изборите во Америка можат да се пренесат со една добра и една лоша вест. Добрата е што Хилари изгуби, лошата е што Трамп победи. Но, ниту Трамп падна од небо, ниту пак Хилари изгуби случајно. Мало пакетче од статии, анализи, мислења и интервјуа кои ги пишувавме на сајт додека едноклеточните организми се нервираа "кај ни е Пржино". Но, тие се нервираат и кога пишуваме за Дилан, така да, небитни.

Во земја во која се јасни финансиите, лесно е да се види колку чинеле гласовите. Клинтон боље у ТАТ да ги ставеше парите.

Тинејџерите во Кина го минуваат најубавиот период од животот под огромни стресови, подготвувајќи се за приемен испит за на факултет. Оние кои успешно ќе го положат можат да очекуваат исти такви кариери, па дури и поатрактивни брачни партнери. За оние кои ќе кикснат, тоа обично значи запечатување на социјалната судбина.

Италијанец во изминатите 12 месеци купува 255 грепки од лотарија. Не му се паѓа на ниту една од овие 255 грепки. Крајно решение, оди на суд за да ја тужи лотаријата. Затоа што е Италија, ја добива лотаријата на суд.

Четвртина од Американците се закануваат со селење од земјата во случај на изборите да победи Доналд Трамп. Но, така викаат на истражувања на јавно мислење. А според фактите, токму во мандатите на Барак Обама рекордно пораснал бројот на Американците кои побарале друг пасош. Стивен Сигал знае за тоа.

„Да живееше Емануел во Алепо, неговата мака и очај можеби макар накратко ќе добиеја простор во некоја од предизборните дебати. Но, Емануел останува невидлив бидејќи живее во домашната ничија земја на сиромаштија, дроги и безнадежност“, пишува Њујорк тајмс. Читајте глобално, мислете локално.