Додека ние си играме со основниот модел, му го користиме паметот или пробуваме да го зезнеме, големите компании ќе бидат во посед на многи помоќни модели. Ништо страшно, освен што тие модели ќе можат да управуваат со комерцијални сервиси, а сервисите, на пример, сочинуваат и 75% од економиите. Ние ќе си плетеме џемпери по дома.   

Новинари на Ројтерс скриле ГПС уреди во 11 патики кои требало да завршат како рециклиран материјал кој ќе се користи во благородни цели како што се игралишта за деца, забавни катчиња и слично. Ниту еден пар не завршил на рециклажа, ама затоа завршиле на бувљак.  

Загадувачи познати како „вечни хемикалии“ затоа што не се разградуваат во околината а се кумулираат во организмот и можат да бидат токсични се регистрирани на илјадници локации во Европа и Британија. Тоа што нас нè нема на мапата значи само едно - кај нас не се мачат ни да мерат.

Пред три години шпанската државна железница објави дека нарачува нови возови за два региона во земјата „каде железницата е како од каубојско време“. Минатиот месец тие разбраа дека возовите се премногу големи за некои од тунелите низ кои треба да минуваат.

Научници (термин кој веќе станува критично излитен од премногу слободно користење) инсистираат на постепено укинување на бинарниот јазик (мажи/жени) и воведување на термини како „јајце-производител“ наместо сегашниот застарен термин „женско“.

Германскиот економист е алфа и омега на средбите на светската политичка и бизнис елита во Давос. Повеќе од пет децении. Во меѓувреме, Клус Шваб во своите дела има изградено сосема нова религија во која глобализацијата треба да ги победи мрачните сили на суверенитетот. Давос е новиот Ерусалим, технократите се новите апостоли а пророкот, се разбира, е тој.  

Иако општество без кеш звучи модерно и кул, зад таа идеја стојат потенцијаlно опасни опции. Државата ќе има целосна контрола врз вашите пари па еден ден може да ѝ текне да ги врзе, на пример, со вашиот карбон футпринт и кога ќе сакате да си купите бургер, да ви се каже, многу бургери имаш изедено месецов, можеш да си купиш брокула.   

Во САД на едно ливче продадено во Вашингтон се падна премијата од Пауербол во износ од речиси 755 милиони долари, сума која и покрај блесавиот износ е само 9-от по големина џек-пот во историјата на САД.

За да ја демонстрираат својата правоверност, американски компании регуларно организираат обуки за „диверзитет, еднаквост и инклузија„ за своите вработени. Обуките се скапи и бесцелни ама на менаџерите им фуфка да прекинат со нив за да не го навлечат бесот на будните преторијанци. Само паднатите профити можат да ги разбудат.

Европскиот суд за човекови права отфрли тужба против Франција, поднесена од нејзин граѓанин кој барал промена во изводот од матичната книга на родени. Пензионер е, има 72 години, и решил дека е крајно време во крштеницата да не му пишува дека е машко.

Додуша, ич не му беше ќеиф кога на 100 метри (и уште во три дисциплини) победи црниот Џеси Овенс, но дури и Хитлер дозволи на Олимпијадата во Берлин 1936 да учествуваат оние кои ги сметаше за нижи раси. Зеленски пак, не сака ни да види Руси на Олимписките игри во Франција. 

„Проект Веритас“ го извади досега можеби најшокантното видео од нивните андеркавер соработници. Во него, Џош Вокер, директор на „истражување и развој, стратешки операции и мРНК научно планирање“ во Фајзер, низ шега и смеа признава дека во компанијата си играат со идејата за намерна мутација на коронавирусот. 

Има транс-лица кои ја минуваат целата таа мачна, болна и неповратна транзиција за да усогласат телото со своето чувство за себе, но потоа остануваат незадоволни и се каат од „проектот“. „Науката“ има објаснување и за тоа: тоа незадоволство им е од што длабоко во себе се трансфобични.    

Проектот чинеше 35 милијарди долари и требаше од Австралија да направи лидер во производството на зелена енергија. Ништо од тоа, бидејќи главните инвеститори се спукале. Но, можеби е тоа добра вест за милиони краби околу Индонезија.

Сите оние тешки милијардери и светски (и не толку светски) лидери кои деновиве пристигнаа во Давос предизвикаа и традиционална сезонска преселба на проститутки од цела Швајцарија во планинското гратче.

Ако сакаат да заработат пари од своите содржини, креаторите ќе мора да се воздржат од вулгарни зборови барем во првите 15 секунди во клипот. После можат, ама, да не претераат. Секогаш кога еден гигант од калибарот на Јутјуб решава да влезе на терен на јазичните нијанси и суптилности, ко да влегол слон во продавница за стакло. 

Братот на канадскиот премиер смета дека тој е само пион и истурен играч на глобалните господари на светскиот поредок и дека Џастин Трудо дури и не ги ни пишува своите говори и твитови. „Џастин не зборува искрено,“ вели Кајл Кемпер и загадочно додава „уцената е моќна алатка“. 

Јавните училишта од образовниот дистрикт од Сиетл ги тужат ТикТок, Инстаграм, Фејсбук, Јутјуб и Снепчет сметајќи ги за одговорни за актуелната ментална криза меѓу младите. На компании како Фејсбук им било позната бељата што ја прават ама тоа го криеле од инвеститорите.

Сосема сериозен доктор и научник објавува твит дека на луѓе со природен имунитет не им е потребна вакцина бидејќи природната заштита и онака е супериорна во однос на онаа од вакцината. Човек од Фајзер веднаш се јавува „таму кај што треба“, а таму има кој да чуе па твитот добива етикета дека ги мами луѓето.

Откако две последователни години, животите главно ни ги диктираше пандемија, сега проблемите во светот се главно поврзани со Украина. Во месеците што следат, ќе мора да се справуваме со геополитичките и безбедносни реперкусии од конфликтот, да се бориме со инфлацијата, хаосот во енергетиката и да ги следиме пост-пандемиските прилики во Кина. 

За февруари закажан е првиот судски случај во кој во одбраната ќе ја води вештачка интелигенција. „Адвокатот“ ќе биде присутен во форма на смартфон кој ќе слуша што се зборува во судницата и  преку ушно апаратче ќе го советува обвинетиот што да каже и како да реагира.

Луѓето од Алабама во неделата се разбудија со новостекнато право да носат оружје без дозвола. Со оваа држава, сега во половина од американските федерални држави може да се прави тоа. Пред 13 години, шетање оружје без дозвола беше легално само во две држави. 

Стартап компанија се пофали дека веќе лансирале метеоролошки балони кои испуштаат рефлектирачки сулфурни честички во стратосферата, што се смета за една од црвените линии во соларниот геоинженеринг. Се разбира, сето тоа за наше добро.

Обелоденети се нови детали за односот меѓу атентарот на Кенеди и ЦИА, особено додека тој служел на платформа на која Агенцијата експериментирала со психоделични дроги. Сепак, постои основано сомневање дека постои искрена желба оваа епизода од американската историја докрај да се расветли.