Знаат ли ТИЕ дека е Божиќ?

Време е е Боб Гелдоф, Боно и другите прочуени англиски хуманитарци уште еднаш да ја запеат "Do They Know It's Christmas". Овојпат не за Етиопија или слична земја за жалење туку за по дома. Соберете го вкупниот број на жители на Битола, Куманово, Велес, Кавадарци, Кочани, Охрид и Струга, ќе добиете приближен број на оние во Англија кои овој Божиќ нема да го дочекаат со сигурен покрив над глава.

Повеќе од 300.000 луѓе во Англија ќе го поминат Божиќ во некоја форма на бездомништво, вели една тамошна добротворна организација за домување.

Проценетата бројка е за 14% поголема во однос на минатата година, при што повеќето од погодените се во некакво привремено сместување. Добротворната организација соопшто дека недостатокот на социјални станови и недостапните приватни кирии се дел од причините за порастот иако Владата вели дека троши 2 милијарди фунти за справување со бездомниците.

Ова се податоци собрани од локалните власти и надлежните служби иако вистинскиот број е и поголем поради нерегистрираните бездозмници.

Владините бројки покажуваат дека 105.750 домаќинства биле во привремено сместување на крајот на јуни, што е нов рекорд од почетокот на евиденцијата пред 25 години и е зголемување од 10,5% во споредба со крајот на јуни 2022 година.

Од нив 138.930 се дечиња.