Микрософт: 0 долари
Логото е дело на дизајнерскиот тим вработен во Микрософт.
Гугл: 0 долари
Оригиналното лого е дело на Сергеј Брин, кој во 1998-ма го креира шарениот знак во ГИМП.
Кока-Кола: 0 долари
Логото за најпознатиот бренд во светот е создадено во 1886-та од партнерот и сметководител на Кока-кола, Франк Робинсон. Токму Робинсон го предложил името Coca-Cola надевајќи се дека "двете C ќе изгледаат добро на рекламите." Тој експериментира со логото, за конечно да го напише во стил карактеристичен за тоа време.
Твитер: 15 долари
Логото на Твитер е купено од сајтот iStockphoto, а за авторските права компанијата има платено 15 долари. Негов автор е Сајмон Оуксли, Британец кој живее во Јапонија. Според правилата на iStockphoto, тој најверојатно заработил 6 долари за неговото дело.
Најк: 35 долари
Ко-основачот на Најк, Фил Најт, го купил сега славното лого во 1971-ва од студентката по графички дизајн Каролин Давидсон. Најт предавал сметководство на Универзитетот Портланд Стејт и во ходник чул за проблемот на Давидсон која не можела да си да купи бои. Тој и понудил 2 долари од час за таа да му изработи графикони, табели и логото.
"Не го сакам, ама можеби ќе почне да ми се допаѓа," изјавил Најт, откако платил 35 долари за штиклираното.
Енрон: 33.000 долари
Логото е дело на Пол Ранд, кој за него во 90-те добива 33.000 долари. Ранд исто така има правено логоа за ЕјБиСи, АјБиЕм, УПС, Некст и Вестингхаус.
Глазгов 2014 Игри на Комонвелтот: 95.000 долари
Логото е дело на агенцијата Marque.
Некст: 100.000 долари
Пред да го прави логото за Енрон, во 1986-та по нарачка на Стив Џобс го прави логото за Некст.
Лондон 2012: 625.000 долари
Олимпискиот комитет плати 400.000 фунти за едно од најконтроверзните логоа во историјата на игрите. Делото е дизајн на Волф Олинс, а е направено во 2007-ма. Критиката на логото се движеше од тоа дека на него всушност пишува ZION, до тоа дека изгледа како Лиса Симпсон сред орален секс.
Пепси: 1 милион долари
Логото на Пепси во 2008-ма беше редизајнирано од Арнел групата по цена од 1 милиони долари. Во цената треба да е влезено и комплетно брендирање на амбалажата на компанијата.
БиБиСи: 1,8 милиони долари
Во 1997-ма, БиБиСи одлучи да го смени своето лого од сивите коцки со RGB линиите, во црно бели коцки со името во Гил Санс фонт.
Accenture: 100 милиони долари
Ова е цената за комплетното ребрендирање на Андерсен консалтинг, по неговото излегување од групацијата Андерсен. Името треба да е кратеница од "accent on the future."
