Интернетот требаше да го направи светот помалку централизирано место, како што гледаме повеќе од десет години тоа не изгледа така.

Комбинација од дизајн, зборови кои наведуваат на погрешен заклучок и илузија на контрола се дел од мерките што трите технолошки џинови ги користат за прелажување на корисниците да им ги отстапат нивните лични податоци, покажува студија на Норвешкиот потрошувачки совет.

Наскоро на администраторите на дел од Фејсбук групите ќе им биде дозволено да наплаќаат претплата за пристап до својата група. За почеток ова ќе важи за групи за домаќински работи: родители, готвење и чистење по дома.

Комитетот за правни работи на ЕУ ја изгласа Директивата за авторски права, која во основа е само апдејт на техничките термини на законот за авторски права, освен два члена кои предвидуваат плаќање надомест за објавување туѓи линкови и филтрирање на целата нова содржина.

Концентрирана кампања за манипулација на цената најверојатно е одговорна за најмалку половина од растот на цената на биткоинот и останатите криптовалути во 2017, се тврди во истражување изработено од академик кој има цело портфолио на откриени измами на финансиските пазари.

Тезата од една дисертација е дека не е во прашање содржината на нешто, туку чувството на припаѓање кон некоја група и држење чекор со неа. Затоа се клика на секакви глупоштини.

Неодамна усвоениот GDPR е малку офтика и малку мачкање очи (вистинските злотвори ги заболе дали сте кликнале за колачиња), но она што следува допрва ќе го уништи ќефот на слободниот интернет.

Компанијата соопшти дека ја укинува секцијата „трендинг’ во која своевремено полагаа големи надежи. Нивниот потег е признание дека и најсофистицираните алгоритми не се семоќни во одлучувањето што ќе се фати кај луѓето. Трендинг почна сè помалку да се користи а кога се користеше, беше проблем.

Многумина познати професионалци со интегритет се бунат против на големо злоупотребуваната моќ на онлајн коментарите поради што куп поштени бизниси се тресат дали некоја будала ќе им даде лоша оценка или ќе им се насере во коментари. Но, тоа знае да го кошта и коментаторот.

Тоа што браусерот си го ставил/а на „инкогнито“ не значи дека твојата активност засекогаш е исчезната, туку само дека таа е подобро скриена на твојот уред.

Во 2013, кога се уште е возможно по дома да копаш биткоин, Вајард на тестирање добива уред за копање. За кратко време, машината успева да ископа биткоин со денешна вредност од 100.000 долари (што значи пред пола година приказнава ги болела 3 пати повеќе). И потоа засекогаш ги губат парите.

Еден од најголемите поборници во ЕУ за интернет приватност и заштита на податоците на корисниците во петокот поднесе 4 тужби, од кои три ќе завршат на адреса на Фејсбук, а една во Гугл.

Очекувањата беа дека ЕУ парламентарците ќе го растргнат Закерберг и нема да остават камен на камен. Излезе дека тие што имаат вакви очекувања немаа предвид дека Закерберг го има избрано форматот и времетраењето на сослушувањето.

Стратегијата со која се влезе во битката против он-лајн омразата колку што изгледаше едноставна толку за луѓето кои малку од малку имаат какви било познавања на темата изгледаше неизводлива. Tаа се сведува на два чекора: а пријавиш говор на омраза, Фејсбук (и кој било таа сфера) има фора од 24 часа да го избрише истото, а ако не го направи тоа, тогаш опција Б е казна од неколку милиони евра. Излезе ништо не е така едноставно.

Пред некое време вработени на Гугл исклучиво како вежба за размрдување мозочни вијуги, а никако како дел од некој сегашен или иден проект, замислуваат како компанијата би можела да го оформува човековото општество преку личните податоци што ги поседуваат за своите корисници, и по пат успеваат да достигнат сосема нови нивоа на ужас од технологија.

Речиси 10% од глобалните приходи од реклами на Фејсбук доаѓаат од Кина, и годинава во пари тоа ќе изнесува околу 5 милијарди долари, ако не и повеќе. За овие пари Кина е вториот по големина извор на приходи од реклами за Фејсбук по САД.

Иако 0,5 како 0,5 не звучи нешто страшно, многу е поинаку кога ќе го ставиш во перспектива на половина процент од сè што годинава ќе потроши струја на планетава од Индија и Кина до Америка.

Само затоа што нешто е во облак не значи дека облакот работи на убави мисли и позитивно расположение, туку работи на илјадници сервери кои работат на струја, а Гугл има 3,5 милијарди пребарувања дневно што овие сервери треба да ги обработат, со помош на струја.

Изборот што Фејсбук размислува да им го понуди на корисниците е верзија на Фејсбук без реклами, ама со месечна претплата. Уште не е познато дали со претплатата ќе ти бидат поштедени и личните податоци од препродавање.

Американецот со француско потекло кој го има домејнот уште од 1994 остана без истиот откако француското министерство за надворешни работи со помош на француските судови одлучи дека france.com треба да им биде препишан на нив.

Наспроти општото верување, до нас моментално стигаат поразновидни информации од кога и да е до сега, а студиите покажуваат дека најголемиот дел од луѓето не живеат во Фејсбук и Твитер ехо комори или балони, пишува Би-би-си.

Дури и оние кои го создадоа нашиот дигитален свет се згрозени од тоа што го креираа. Анализа на сè што тргна во погрешен правец - од архитектите кои го создадоа.

Во најновото поглавие од масовната показна вежба по приватност за Зукерберг, фотографите не му простија на основачот на Фејсбук што заборави да ја затвори папката со документи.

Зукерберг на спарингот со американските сенатори дојде добро навежбан и обучен се што и како треба да каже (наводно во подготовките минал и цело 4-часовно сослушување) околу сите работи кои со право или без му ги припишуваат на Фејсбук. Иако најголемиот дел од одговорите му беа по скрипта, имаше и доста ексклузивни новини во неговото сведочење.