Патем: Зумери = Генерација З, или родени меѓу 1997 и 2012. Од нив не се очекува скршнување десно, ама ете го, постои.

Дел од највисоките украински функционери преговараат со колегите од идната американска администрација во надеж дека ќе ги намалат разликите што ги имаат со Трамп за тоа колку Украина треба да попушти во идните преговори.

Ковид војната трае и во оваа 2024-та година. Само што улогите сега се променети и главниот збор во ерата на вториот Трамп ќе го имаат оние кои во времето на Ентони Фаучи и администрацијата на Џо Бајден беа исмејувани како неодговорни ширачи на завери и недоверба кон институциите. Да видиме што денес се знае за пет клучни ставови околу кои толку жестоко се кршеа копјата во пандемијата. 

Предложената формула од Зеленски е примирје со Москва, Русија да ги задржи териториите што ги има освоено, а безбедноста на остатокот на државата да ја гарантира НАТО, така што нивни војници би создале демилитаризирана зона меѓу двете страни.

Европската федерација на новинари, организација која тврди дека ги застапува интересите на 320.000 свои членови, најави дека од професионални и иетички причини ќе ја напушти платформата на Илон Маск на симболичен датум, 20-ти јануари, кога треба да биде инаугуриран новиот американски претседател, Доналд Трамп. Чекајте малку, Европа има 320.000 новинари? Па кај се, побогу?

Новоизбраниот и сè уште неинаугуриран претседател на САД, Доналд Трамп, им се закани на државите од БРИКС (Бразил, Русија, Индија, Кина и Јужна Африка, подоцна проширени со Иран, Египет, Етиопија и Емиратите, плус дузина држави партнерки, плус 30-тина заинтересирани) дека ќе ги замава со драконски тарифи ако помислат да се еманципираат од доларот како валута за меѓународни финансиски транскации и почнат да прават конкурентна валута.

Европа си зададе амбициозни таргети за фазно напуштање на автомобилските мотори со внатрешно согорување, но, еуфоријата почнуваат да ја издишуваат бројките од теренот. Темпото забавува, без субвенции не оди никако, електрични автомобили денес има 40 милиони, ама оние другите се една ипол милијарда. Како која влада оди десно, најавува ублажување на плановите.

Јапонскиот производител е во потрага по институционален инвеститор кој ќе помогне компанијата да ги преживее идните 12 до 14 месеци, откако Рено најави дека ќе продаде дел од својот удел во Нисан.

Од завршувањето на изборите во САД пред дваесетина дена Стејт Департментот веќе одржал неколку тераписки сесии со вработените кои биле премногу вознемирени од изборната победа на Доналд Трамп.

Не било тоа само кај нас, со мавтање со резултати од предизборни сондажи да се манипулира перцепцијата, да се храбри гласачката база и оние кои сакат да гласаат за победник. Камала до последен момент водеше пред Трамп, покажуваа медиумски обилно користените анкети. Неполн месец по изборите, од нејзиниот штаб признаваат дека на интерните анкети, никогаш не водела.

Откако целосно го забрани и избриша Доналд Трамп на Фејсбук и Инстаграм по немирите од 6 јануари 2021, Закерберг пред некоја недела му ја честиташе победата на Трамп, за деновиве да тркне и на вечера до неофицијалната резиденција на идниот американски претседател.

Уште на првиот ден од мандатот Доналд Трамп би можел да потпише извршна наредба со која ќе ги избрка сите транссексуалци (некои си над 15.000 лица) од редовите на американската војска.

За време на пандемијата, науката претрпе сериозни последици по својот вековен углед, кога институции кои требаше да ја бранат нејзината слобода и право на сомневање, влегоа во лов на сите кои го преиспитуваа доминантиот наратив за потеклото на вирусот. Тоа не беше единствениот греев на угледен магазин како Сајентифик Американ, ама нервите им ги докина Трамп.

Против претходниот и иден американски претседател имаше поднесено обвиненија за десетици прекршоци за начинот на кој ракува со доверливи документи и неговите обиди да го оспори поразот на изборите во 2020, што кулминираше со упадот во Капитол. Од вчера веќе нема ни едно.

Промената на тонот од украинскиот претседател почна да станува забележлив по американските избори и сега тој изгледа подготвен да се спогоди и за помалку отколку претходно, пишува британски Телеграф.

Мајчин тој, на сите обврски и галами нашол време да лансира линија тематски гитари (електрични и акустични) на чиј врат пишува „Make Amerika Great Again“. Od 1.500 до преку 11.000 долари. Само тие најскапите со негов потпис да ги продаде, од сегашниот лагер ќе заработи околу 14 милиони долари. Само да не му најдат дека се произведени во Кина.

Европската унија ќе бара од кинеските компании да ја префрлат интелектуалната сопственост за автомобилските батерии врз европски компании, доколку сакаат да добијат субвенции од Унијата.

Како што налага традицијата шампионот на НБА неколку месеци по освоената титула доаѓа на гости, на свечен прием во Белата куќа. Таму ги пречекува американскиот претседател. Еднаш Голден Стејт Вориорс го игнорираше Доналд Трамп, а сега Џо Бајден (82) го пречека актуелниот првак Бостон Болс... Овај Селтикс.

Пренесовме (тука) дека двајцата најголеми хејтери на Трамп од MSNBC, Џо Скарбороу и Мајка Бжежински (ќерка на 'Д' Бжежински), после седум години лично се сретнале со нивниот архи-непријател. Според нив, тие не биле на 'баци рака' во неговиот Мар-а-Лаго, туку отворено зборувале за сите незгодни теми и во очи му кажале за што не се согласуваат со него. Трамп тоа не го памти така. 

Наводно, заедно со сопругата Порша Де Роси ја напуштиле Калифорнија по изборот на Доналд Трамп.

Само да го видите ѕидот кој Египет го има изградено долж границата со Газа за да го спречи масовното доаѓање на палестински бегалци. За едни, ова е доказ дека Палестинците не ги сакаат ни „нивните“ (муслиманите), за други, ова е начин како да се спречи израелската стратегија да ја испразнат Газа од Палестинци за да може да се инсталираат "од реката до морето." Како и да е...  

Медиумите деновиве ја пумпаа приказната дека од Твитер се случува егзодус и дека незадоволни од атмосферата, масовно се заминува на новата омилена платформа на прогресивните - Bluesky. За баговите во таа приказна пишувавме во „Колку пати едни исти луѓе можат да го напуштат Твитер?“ Но, има тука уште нешто интересно. Оние што навистина заминааа на Блускај, со себе ги донесоа и своите навики - да кенкаат.

Поранешниот директор на ЦДЦ од времето на Трамп, Роберт Редфилд, верува дека ковид-19 е создаден во лабораторија во Северна Каролина, како дел од тајна програма за биолошка одбрана.