- Најпознатата криптовалута, биткоинот, првпат достигна вредност над 100.000 долари (104.000 долари).
- Растот во последните месеци се должи на оптимизмот околу доаѓањето на Трамп, кој, иако на почетокот беше скептичен, подоцна најави дека неговата админстрација сериозно ќе ги разигрува криптовалутите.
- Истовремено, на Волстрит, берзантските индекси достигнаа нови рекордни нивоа: Доу Џонс зајакна за 0,69%, S&P за 0,6% а на Насдак за 1,3%.
- Растот на индексите се должи на порастот на вредноста на акциите на технолошките компании.
- Малку „тину-нину“: Американскиот бизнисмен и милионер, Даниел Пења (тежи 700 милиони долари), тврди дека кога ќе се дознае вистинскиот основач на биткоинот, во една милисекунда неговата вредност ќе падне на нула.
- Израелските напади врз јужен Либан убија најмалку седум лица, вклучувајќи две деца, само неколку часа откако се објави дека е постигнат договор за прекин на огнот.
- Ден пред договорот, Израел и Хезболах се маваа јако: загинаа 47 луѓе во Либан и четворица израелски војници.
- Инаку, двете страни рекоа дека ќе го почитуваат договорот.
- Договорот меѓу САД и Иран бара прекин на воените операции во Либан и почитување на неговиот суверенитет но ни Израел ни Хезболах не се потписници на тој договор.
- Истражувачи од израелскиот универзитет Технион успеаја првпат во реално време да регистрираат оптички фазни сингуларитети - точки на тотална темнина во сноп светлина, што се движат побрзо од самата светлина.
- Бидејќи овие точки не носат маса или информации, нивното движење не ја нарушува Ајнштајновата теорија за релативност.
- Користеле напреден електронски микроскоп и материјал (hexagonal boron nitride) за забавување на светлосните бранови (над сто пати побавно отколку во вакуум), забавување кое им дало можност да испитуваат настани кои инаку би биле пребрзи и премали за следење.
