Според Дигиталниот речник на македонски јазик, тарифа е именка од женски род која означува систем од норми за плаќање на нешто - такса, награди и сл. Иако во моменто е актуелен во контекст на мерките на Трамп, зборот звучи некако ориентално, нели?

Претседателот Трамп го наведува трговскиот дефицит како доказ дека странците всушност ги ограбуваат Американците. Но, во пресметката на дефицитот се заборава на доларите што странците ги чуваат како резерви за да си обезбедат сигурна куповна моќ. Тој извоз што не се книжи во сметководството ја порамнува трговската размена и ја прави Америка богата и просперитетна.

Компанијата на Марк Закерберг се соочува со антимонополски судски процес што може да ја разбие како империја и да ја остави без главните извори на профит. Владата на САД настојува да докаже дека Мета со купувањето на Инстаграм и на Вотсап настапила монополски за да ги истисне заканите за нејзината доминација. Главниот адут на Закерберг е лобирањето кај Трамп.

Прашањето повеќе не е дали туку кога и каде ќе бидат депортирани Палестинците од Газа. Израелскиот врв се двоуми дали да ги префрли во Египет или пак да им најде нов „дом“ во Африка. Потоа само ќе треба да дојдат багерите да израмнат и да се посее трева, базени и туристички комплекси за ривиерата на Трамп. Само, стварно ли веруваат дека тоа ќе стави крај на палестинската и арапска приказна?

Доналд Трамп се пуваше дека светски лидери „му бацуваат газ“ во обид да преговорат поволни царински договори со Соединетите држави. На вечера за собирање донации ги исмеваше, имитирајќи ги како му се увлекуваат. Не кажа на кои земји мисли, ама е јасно дека во тоа купче не беше Кина. Нејзината реплика на објавувањето трговска војна од Вашингтон беше: Ајде!

Згрозен од зголемениот број случаи на аутизам во САД, претседателот Трамп бара да се утврдат причините. Да не е исхраната? Можеби е некоја вакцина? Министерот за здравство Кенеди вети одговор до септември. Здруженијата се сомневаат дека човек што веќе ги поврзува вакцините со аутизмот може да испорача вистински одговор. Плус, истрагата ќе ја води човек што без лиценца лекувал дете.

Кинески Тик-токери и други заебанти наголемо прават зезалици со фиксацијата на Доналд Трамп дека другите земји, главно Кина, ги крадат САД со нефер практики па мора да се направи сè што треба за да се вратат фабриките во Америка и државата односно да се ре-индустријализира. Па ги потсетуваат како тоа ќе изгледа. 

Мексиканците бараат начин како да ја исполнат квотата на вода што преку реки и акумулации се обврзани да им ја достават на САД. Им преостануваат само шест месеци да испорачаат вода колку за три и пол години. Ако не го направат Рио Гранде повторно „гранде“, веќе знаат што ги чека. Фармерите од Тексас се жалат дека Мексико им ја краде водата, а оние од Чивава се спремни да ја бранат.

В.Б. Јејтс еднаш напиша дека „центарот не може да се одржи“. Во случајот на Канада ова е сè повеќе точно. Канада не се распаѓа. Се расплетува. Ефектот е ист. Провинциите веќе не го слушаат центарот и центарот не е способен да ги повлече назад. Сè уште важи поуката од Јејтс: Соколот не може да го слушне соколарот. Не поради бунт. Зашто повикот стана премногу слаб за да биде важен.

Американски агенти ќе претресуваат милиони пораки што странски студенти и мигранти ги објавиле на социјалните мрежи. На оние што постирале антисемитиски содржини може да им ги поништат визите и зелените карти. Службениците и апликантите почнаа трка за пребарување по Фејсбук, Икс и Инстаграм – едните за да ги регистрираат спорните постови, другите за да ги избришат.

Пред еден век, Ф. Скот Фицџералд, точно на 10 април, го објави романот кој денес е класик. Во негова чест деновиве се одвиваат голем број настани, но и се повлекуваат паралели со современа Америка.

Трамп ја запре тврдоглавата трговска војна на самиот раб на амбисот. Коментатори претпоставуваат дека некој му го ставил прстот на челото, но паузата за тарифите од 90 дена воопшто не беше ненадејна. Во момент кога берзите вртоглаво тонеа, Трамп вчера во 9.37 часот ја објави пораката: „Сега е одлично време за купување“. Оние што му поверуваа се збогатија буквално преку ноќ.