Вести › Набрзинка

Трамп нареди операции на ЦИА во Венецуела

16 октомври 2025

Претседателот Доналд Трамп ѝ нареди на ЦИА да спроведува тајни операции во Венецуела, вклучувајќи напади врз нарко-картели, а најави и копнени воени интервенции за да го запре шверцот на дрога.
„Авторизирав акции од две причини. Како прво, тие ги испразнија своите затвори и ги наполнија САД. Второто е улогата во шверцот на дрога. Доаѓа многу дрога од Венецуела по море. Но, ќе ги запреме и по копно“, изјави Трамп.
Американските сили досега потопиле пет венецуелски бродови за кои сметаат дека носат фентанил во САД. Конгресмени од двете партии реагираат дека нападите врз бродови се „нелегални убиства“.
„Обидите за шверц по морски пат се под контрола. Тие имаат побрзи бродови, некои од најбрзите во светот, но не се побрзи од проектили... Со секој брод што ќе го потопиме, спасуваме по 25.000 човечки животи. Сега разгледуваме како да удриме по копно“, изјави претседателот.
Трамп одби да одговори на прашањето дали ЦИА добила мандат за директна акција против претседателот Николас Мадуро, по кој САД објавија потерница со награда од 50 милиони долари за негово приведување. „Тоа е апсурдно прашање за мене. Не баш апсурдно, но би било апсурдно јас да го одговорам“, изјави Трамп.

⚠#Trump refused to answer a question about whether he authorized the #CIA to attempt to assassinate #Maduro.

"That's a ridiculous question for me to ask. It's not a ridiculous question, actually. But it would be ridiculous if I answered it," the US president said. pic.twitter.com/DNdA6sP02K
— News.Az (@news_az) October 16, 2025

извор

Владата негира дека преговара со Велика Британија за примање мигранти

6 декември 2025

Владата ги оквалификува како неточни написите во некои британски медиуми дека води преговори со Велика Британија за прифаќање на мигранти кои се одбиени за азил.
Портпаролката Марија Митева во изјава за медиумот СДК.МК вели дека ваквите написи се за „внатрешно-политичка употреба“.
Дејли мејл“, „Тајмс“ и „Сан“ пишуваа дека Велика Британија можеби ќе ги депортира одбиените баратели на азил кај нас, за да ја намали нелегалната миграција. Според овие медиуми, двете држави од есенва водат формални преговори за реализација на овој план.
Медиумите од островот пишуваат дека Велика Британија би ѝ плаќала на Македонија за секој мигрант што ќе го преземе, а дополнително би обезбедила и инвестиции во земјава и помош во борбата против руско влијание, пишува РСЕ.
„Сан“ навестува дека Босна и Херцеговина ја одбила идејата, сметајќи го прифаќањето на нелегални мигранти од други држави за штетно по нејзините национални интереси.

извор

ЕУ го казни Икс со 120 милиони евра поради „нетранспарентност“

6 декември 2025

Европската Унија изрече казна од вкупно 120 милиони евра за платформата Икс на Илон Маск поради кршење на правилата за дигитална транспарентност.
Икс мора да плати 45 милиони евра поради „измамничкиот“ систем за платени сини ознаки за веродостојност на профилот. Уште 35 милиони евра се за „нетранспарентни евиденции“ за рекламирање што би помогнале во идентификувањето на измами и лажни политички реклами, а 40 милиони се за блокирање на пристап на истражувачи до јавни податоци.
Одлуката ги продлабочи тензиите со Вашингтон, кој ја обвини Европа дека ги таргетира американските бизниси под маската на заштита на корисниците. Потпретседателот Џеј Ди Венс ја обвини ЕУ дека го казнила Икс „затоа што не се вклучува во цензура“, а државниот секретар Марко Рубио ја опиша казната како „напад врз сите американски технолошки платформи и американскиот народ од страна на странски влади“.

Икс има рок до 90 дена да поднесе планови за надминување на прекршувањата за да не се соочи со дополнителни периодични парични казни.
Критичари во Европа тврдат дека казната е премногу блага. Регулативите дозволуваат санкции до 6% од глобалните приходи, што во случајот на Икс би биле 5,9 милијарди евра.

извор