Вести › Набрзинка

Хегсет им продаде оружје на Скандинавците

15 октомври 2025

Шефот на Пентагон Пит Хегсет ги убеди Шведска, Финска и Естонија да купуваат повеќе американско оружје за арсеналот наменет за зајакнување на украинските сили. Франција, Британија, Шпанија и Италија се воздржуваат.
„Ќе добиете мир кога ќе бидете силни. Не кога ќе користите силни зборови и ќе се заканувате со прсти, ќе го имате кога имате цврсти и реални капацитети, кои вашите непријатели ги почитуваат“, порача Хегсет на прес по министерскиот состанок на НАТО.

🇺🇸🇪🇺 | El Secretario de Guerra de EE. UU., Hegseth, llega a la reunión de seguridad de los ministros de defensa de la OTAN en Bruselas: "Potencia de fuego, eso es lo que viene y esperamos que venga de la OTAN".
pic.twitter.com/iQnkkY8mIB
— Alerta News 24 (@AlertaNews24) October 15, 2025

Шефот на Алијансата, Марк Руте, изјави дека за механизмот Приоритетна листа за потребите на Украина (ПУРЛ) веќе е ветено набавка на оружје во износ од 2 милијарди долари. Претседателот Володимир Зеленски изјави дека на Украина ѝ е потребно оружје во вредност од 3,5 милијарди.
Институтот за светска економија од Кил вчера објави дека меѓународната воена помош за Украина се намалила за 43% во споредба со првите месеци од оваа година. Американскиот претседател Доналд Трамп в петок ќе разговара со Зеленски за идејата САД да ѝ испорачаат на Украина крстосувачки проектили Томахавк, кои имаат дострел од 2.500 километри.

извор

Пропадна дилот за мигранти на Британија и Франција

2 октомври 2026

Британија и Франција постепено ќе го укинат договорот за размена на мигранти според принципот „еден внатре – еден надвор“, бидејќи биле депортирани премалку лица.
Од склучувањето на договорот во август 2025 година па заклучно со 1 октомври годинава, во Франција биле вратени повеќе од 1.500 нелегални мигранти, а во спротивна насока биле префрлени нешто помалку од 1.500 легитимни баратели на азил во Британија.
Проценетите трошоци за шемата изнесуваат 56.000 фунти по вратен мигрант, што достигнува вкупна сума од околу 84 милиони фунти.
За споредба, во истиот период повеќе од 40.000 нелегални мигранти пристигнале во Обединетото Кралство со мали чамци.
Лондон бил подготвен да го продолжи договорот, но Париз одбил, со образложение дека сака шема за враќање на ниво на целата Европска Унија.

извор

Прв септември без урагани во Атлантикот во овој век

2 октомври 2026

Изминатиот септември беше првиот по 32 години во кој немало ниту еден ураган во Атлантикот. Ова се случило само три пати досега – во 1994, во 1972 и во 1962 година.
Просекот е 7 урагани во сезона, од кои 2 до 3 се во септември.
Аномалијата се смета за последица на пацифичкиот климатски феномен Ел Нињо, за кој се предвидува дека годинава ќе биде најсилен досега.
Оваа година може да биде првата без ниту еден ураган во Атлантикот откако во 1950 година почна да се води прецизна евиденција. Во просек во октомври се формира по еден ураган годишно, а повремено може да има и во ноември.
Најмалку, само по два, имало во 1982 и 2013 година.

извор