Вести › Набрзинка

Тајм напиша пофална статија за Трамп ама овој незадоволен од фотографијата

15 октомври 2025

Американскиот претседател Доналд Трамп се појави на насловната страница на списанието „Тајм“, кое го поздрави „неговиот триумф“ по прекинот на огнот меѓу Израел и Хамас, но американскиот претседател изрази незадоволство од употребената фотографија.
„Магазинот „Тајм“ објави релативно добра сторија за мене, но сликата можеби е најлоша на сите времиња. Ми ја избришаа косата, а после ставиле нешто што лебди над мојата глава и изгледа како круна, ама многу мало. Колку чудно! Никогаш не сум сакал да ме сликаат од долен агол, но оваа слика е навистина лоша и заслужуваат да бидат прозвани. Што прават и зошто?“, напиша Трамп на својата социјална мрежа.
Трамп повеќепати се нашол на насловната на Тајм, не секогаш ласкаво, но магазинот два пати го прогласи за „Личност на годината“.

Поопшто на темата - овде

извор

Бугарија ќе ја „администрира“ рафинеријата на Лукоил

8 ноември 2025

Бугарското Национално собрание по итна постапка усвои закон што на државата ѝ овозможува да преземе директна контрола врз рафинеријата на руската компанија Лукоил во Бургас.
Цел на Законот е да се обезбеди работење на најголемата рафинерија на Балканот откако Лукоил поради санкции од САД беше принуден да го продаде својот имот во странство.
Владата ќе назначи специјален администратор, кој ќе управува со компанијата ако се оцени дека постои ризик по националната или енергетската безбедност на земјата. Бугарската влада тврди дека ова не е национализација, туку „заштитна мерка што ќе се активира само ако работењето на рафинеријата биде загрозено“.
Администраторот ќе има право да гласа во името на акционерите, да управува со средствата и, ако е потребно, да предложи продажба или преструктурирање на делови од компанијата.
Рафинеријата во Бургас обезбедува најголем дел од горивата за бугарскиот пазар и овозможува извоз во соседните земји.

извор

Турција објави налог за апсење на Нетанјаху

8 ноември 2025

Турција објави налози за апсење на израелскиот премиер Бенјамин Нетанјаху и високи функционери во неговата влада. Ги обвинува за геноцид против Палестинците во Газа и злосторства против човештвото.
На списокот се 37 израелски функционери, вклучувајќи ги министерот за одбрана Израел Кац, министерот за национална безбедност Итамар Бен Гвир и началникот на Генералштабот на Израелските одбранбени сили Ејал Замир.
Во соопштението на Анкара се спомнува и инцидентот од март годинава, кога беше гранатирана „Болницата за пријателство“, изградена од Турција во Појасот Газа. Израелските одбранбени сили во тоа време соопштија дека објектот го користеле оперативци на Хамас и дека „не бил користен како активна болница повеќе од една година“.
Отфрлајќи ги обвиненијата, израелскиот министер за надворешни работи Гидеон Саар ги нарече „најновата пи-ар акција на тиранинот Ердоган“.
„Налозите за апсење на високи израелски функционери јасно објаснуваат зошто Турција не треба да биде присутна во Појасот Газа - директно или индиректно“, порача поранешниот министер за надворешни работи Авигдор Либерман. Турција сака да биде дел од меѓународните сили за стабилизација од планот на Доналд Трамп за повоена Газа.

извор