- По 103 премиери, Јапонија прв пат во својата историја ќе има премиерка - лидерката на конзервативците Санае Такаичи. Ја нарекуваат „Јапонската Железна Дама“, бидејќи се восхитува на политиките на поранешната британска премиерка Маргарет Тачер.
- Такаичи го води „тврдото“ крило на владејачката Либерално-демократска партија и му беше штитеничка на поранешниот премиер Шинзо Абе. Беше изгласана во двата дома на парламентот, во кои ЛДП има тесно мнозинство.
- Приоритети на нејзината влада ќе бидат задвижување на економијата, обединување на партијата погодена од скандали и меѓусебни пресметки и подобрување на односите со САД. Доналд Трамп веќе ѝ честиташе кога беше избрана за партиски лидер. Ја опиша како „високо почитувана личност, со голема мудрост и сила“.
- За тоа како Санае Такаичи стигна од бубњарка и моторџика до премиерската функција пишувавме тука.
- Следејќи некои „дебати“ на социјалните медиуми неодамна, се’ повеќе сум уверен дека се враќаме наназад и стануваме поглупави и понефункционални како општество.
- Можеби повеќе не сме Homo sapiens – „мудриот човек“. Ниту пак сме Homo economicus, наводно рационалниот актер во класичната економија. Сè повеќе стануваме Homo idioticus – суштество дефинирано, не од мудрост или логика, туку од емоционални импулси, дезинформации и интелектуална инерција.
- Изгледа на социјалните медиуми им се потребни „идиоти“. Затоа станаа нивен расадник. Не гледам проблем во тоа да им дозволиме на „идиотите“ да кажуваат идиотски работи. Друго и не може да очекувате од „идиотот“. Проблемот е што платформите преживуваат со пронаоѓање на највирулентните идиотизми и нивно глобално ширење. Едноставно кажано, благодарение на социјалните медиуми, „идиотите“ сега имаат платформа да ја објават својата глупост пред целиот свет.
- СДСМ остро го осуди настапот на српскиот претседател Александар Вучиќ (види овде - н.з), оценувајќи дека неговите изјави претставуваат навредливо и недолично однесување кон заменик-генералната секретарка на НАТО, Радмила Шекеринска.
- Партијата вели дека Вучиќ е познат по тоа што ги навредува сите оние кои не ги делат неговите ставови или му пречат.
- Вучиќ малициозно нагласил дека ‘оваа жена и луѓето кои доведоа до сецесија’“, па СДМС оценува дека нагласувањето на нејзиниот пол во политички контекст е понижувачко и ирелевантно за аргументите што ги изнесува.
- Ваквиот речник не бил само личен напад, туку дел од поширок проблем на деградирање на жените во политиката.
