- Нема да се одржи најавениот самит помеѓу претседателите Доналд Трамп и Владимир Путин во Будимпешта бидејќи Русија не отстапува од своите „максималистички“ барања за војната во Украина.
- Својот став Москва го објаснила во документ испратен до Вашингтон за време на викендот. Путин понудил Русија да ѝ врати на Украина делови од регионите Херсон и Запорожје, во замена за преземање на целата територија на Доњецк. Руските сили сега целосно го контролираат регионот Луханск и 75% од Доњецк. Трамп побара итен прекин на огнот и „замрзнување“ на сегашната линија на фронтот додека се преговара за мир.
- Шефовите на дипломатиите Марко Рубио и Сергеј Лавров во телефонски разговор заклучиле дека контактите ќе продолжат, но дека нема потреба од директна средба на претседателите. Лавров потврдил дека Москва не се откажува од намерата да го преземе целиот Донбас – со војна или со преговори - и се противи на договор што би опфаќал какво било испраќање трупи од НАТО во Украина.
- „Не сакам да имаме неуспешна средба. Има развој и ќе ве информираме за него во следните два дена“, изјави Трамп.
- Претставничкиот дом на Парагвај ја одби понудената оставка на претседателот Сантјаго Пења за да може да му го одземе имунитетот и да покрене импичмент во Сенатот, што најверојатно ќе заврши со обвинение и судски процес.
- Одземањето на имунитетот било акламативно, вклучувајќи ги и пратениците од неговата партија а на Пења му беше одреден куќен притвор.
- Незадоволни од тоа, демонстранти се собраа пред неговата резиденција, во еден моментиот ја пробија блокадата па Пења итно бил евакуиран во некоја воена база.
- Причина за скандалот е затворањето на најголемата дигитална банка, Уено, која беше ставена под управа на централната банка откако се утврди дека паднала под предвидениот минимум солвентност. Преку три милиони луѓе во Паргвај останаа без своите пари па дополнително ќе бидат обесштетувани.
- Долго откако беше избран на функцијата, претседателот Пења одржувал бизнис релации со сопственикот на банката, групацијата Веласкез.
- Уапсени се група директори во Уено а претстедателот на Централната банка, Карлос Каваљо поднесе оставка. Не е сигурно дека ќе помине само со тоа: поставен е таму пред три години од Пења откако беше прв човек на финансиската компанија која прерасна во Уено.
- Во српскиот дневен весник „Данас“ под псевдонимот „Пријател на студентите“ со месеци беа објавувани текстови со политички и правни совети до студентите блокадери (во периодот пред вонредните парламентарни избори), вклучувајќи предлози за стратегија, формирање експертска влада, отворање кон ЕУ и состав на Студентската листа.
- По изборите, авторот го обелодени својот идентитет: Александар Маршавелски, вонреден професор на Правниот факултет во Загреб но уште поважно, член на хрватскиот совет за граѓански надзор на безбедносно-разузнавачките служби на Хрватска.
- Маршавелски поднесе оставка на таа функција но обелоденуваето на неговиот идентитет ги подгреа сомневањата на довчерашните српски власти дека рушењето на Вучиќ било инструирано од странски центри.
