На социјалните мрежи лесно им беше да удираат сатар и да цензурираат околу војната во Украина, откако Запад консензуално ја прогласи Русија и Русите за единствени кабаетлии. По инерција, истото го пробаа и со содржините поврзани со изралеско-палестинската војна, ама тонч - тука ситуацијата е малку покомплицирана во поглед на тоа кој е добриот а кој лошиот.
Еуроклиар, белгиската компанија што ги чува замрзнатите руски милијарди, објави дека руското купче пари од јануари до септември годинава се зголемило за 3 милијарди благодарејќи на покачените каматни стапки, што е околу 10 пати повеќе од истиот период лани кога сумата порасна за некои си 347 милиони евра.
Зеленски го откажа говорот во романскиот парламент бидејќи тамошните опозиционери најавија дека ќе го реметат. А тие водат на анкети и имаат вртоглав пораст на поддршката. Ставот на Орбан е познат а Словачка ја откажа воената помош за Украина па Романија е следниот предизвик за позицијата на ЕУ. Само што Романија е многу поважна.
Војната во Украина беше шокантна и потресна за целосната западна јавност која изминативе три генерации нема видено војување на ова ниво. Таа гледа измачувачка, убиствена бруталност во која мажи влегуваат во борба, претрпуваат тешки загуби, и потоа преживеаните - по краток одмор, ако имаат среќа - се повторно вратени во борба, и повторно и повторно се додека војниците почнат да веруваат дека смртта е сигурна.
Апсење на американски оперативци за промени на режими во Тбилиси, сугерира дека можеби се готви пуч на владата на Грузија, што би бил круна на најновата шарена револуција, некаков Мајдан 2.0. Како што украинската контра-офанзива доживува неуспех, Запад се чини нетрпелив да отвори втор фронт во својата прокси-војна. Инаку, што би правел Канвас во Грузија?
Возило со жена, 12-годишно девојче и мачка во транспортер во јули 2022 од Естонија влегуваат во Русија. Според досега необјавено сведоштво што го пренесува Вашингтон пост, во транспортерот освен мачка има скриено и непознато количество експлозив. Истиот овој експлозив на 20 август 2022 требаше да биде искористен за убивање на Александар Дугин. Наместо него, беше убиена ќерка му, Дарја.
Среде жестоките одмазнички воздушни и артилериски напади на Израел врз Газа, портпаролот на израелските одбранбени објави порака на Фејсбук до жителите на една населба да ги напуштат своите домови додека е време. Не е јасно како луѓето требаше да дознаат за предупредувањето кога таму нема ни интернет, ни струја.
Врвни светски интелектуалци и креативци предупредија дека цензурата ја уништува слободата, замолчува легитимни мислења и ја поткопува демократијата која бара дебата и соочување на различните мислења. Секогаш го имало тоа, само што сега размерите се стравични, благодарејќи на моќните технолошки алатки и „експертите за дезинформации“ кои го чуваат просторот од непожелни мислења.
Иако и по 20 месеци војната во Украина останува главен фокус на Западот, еден друг дел на Европа кој не е смирен уште од 1990-те би можел да еруптира во секој момент. Делот е нашиот комшилук.
Вашингтон ја пушта Украина и Зеленски низ вода а стотици илјади Украинци загинаа верувајќи во ветувањата на Америка дека ќе помагаат „колку што ќе биде потребно.“, смета Ким Дотком (хакер, инвеститор и политички активист). Тоа „колку што ќе биде потребно“полека се претвора во „колку што ќе можеме“, а процесот го забрзаа компликациите на Блискиот исток.
Стратегијата е случувањата во Израел да се искористат за да се извадат пари за Украина и покрај противењето на републиканците на финансирањето на украинската војна.
Меѓународниот светски поредок е под повеќе стрес, на повеќе места, отколку во кое било друго време од хаотичниот период по завршувањето на Втората светска војна. Работата за спречување на неговиот колапс ќе биде повеќестрана, и таа само што започнува.
Џорџ Орвел почувствувал дека не властите и државата, туку новинарите, уредниците и интелектуалците стануваат главни цензори. Кај него има пасуси во кои само треба да се заменат тогашните теми „за кои не се зборува“ со денешни теми за кои „се знае како треба да се зборува“ и тие пасуси функционираат пасент, како денес напишани.
Киев се бореше премногу добро за едноставно да се откаже, но Русија и Кина ќе ја постигнат својата цел да го разделат Западот, пишува професорот по напредни меѓународни студии од Џон Хопкинс Универзитетот, Хал Брендс.
Предложената стратегија на швајцарската влада предвидува временска рамка во која украинските бегалци треба да си заминат од земјата, и како што стојат работите тоа е максимум девет месеца од сега.
„Дали го имаме најлошиот едиторијал во историјата?“ вџашено прашува Мат Таиби за уредничкиот коментар на Политико со наслов: „Борбата против СССР не те прави автоматски нацист.“ Уредникот на Политико или дувал лепак или под цивилката со која доаѓа на работа носи СС униформа.
Најголем дел од тие 43,7 милијарди долари воена опрема што Америка и ги испрати на Украина требаше преку океан во бродови да биде префрлена од Америка во Европа. Само најголемиот превозник на Пентагон, до сега има префрлено опрема со површина од 460.000 метри квадратни.
Ако Европската унија сака да се прошири со девет нови членки колку што има аспиранти, тоа би чинело 250 милијарди евра, покажуваат нивните внатрешни пресметки. Огромен дел од тоа би одело за Украина. Овој еса значи дека актуелните членки на ЕУ ќе треба да плаќаат повеќе а да примаат помалку. А кој сака така?
Меѓу обредните церемонии на јавно покајание кои канадскиот државен врв ревносно ги изведе поради стоечкиот аплауз во парламентот за 98 годишниот Јарослав Хунка, член на озлогласената 14-та Вафен СС дивизија, еден моќен лик од канадската сцена беше видливо отсутен. Првиот генерал во државата.
Ако во Втората светска војна палење цигара во ров ноќно време беше речиси сигурна егзекуција од непријателски снајпер, на фронтот во Украина тоа е палење мобилен и врзување на ближната мобилна антена.
И покрај добронамерноста на Западот и волноста да се испратат најразлични типови на борбени оклопни возила и тенкови за да и се помогне на Украина, истите тие не се компатибилни со типот на војна што се води во Украина.
Кој ќе речеше дека „Шведска, немири, здраво“ навистина ќе стане место во кое насилствата ќе станат толку масовни што премиерот ќе признае дека треба и војската да помогне. Убиства, експлозии, силувања, маала во кои државата не може да стапне... За илустрација, болничари од Брза помош почнале да носат шлемови и панцири.
Неколку месеци откако германските Леопарди и британските Челенџери пристигнаа во Украина и излегоа на фронтот, во земјата конечно стасаа одамна посакуваните американски Абрамс тенкови. Иако не е најновата верзија, и таа што стигна е еден од најмоќните тенкови на планетава.