Компанијата ги чува парите од првиот ден на војната против Русија, бидејќи санкциите од ЕУ и забрануваат на Москва да ги префрли средствата во руските банки.
Во Еуроклиар се заглавени околу 197 милијарди евра руски средства, од кои 180 милијарди се на руската централна банка, што е најголемиот дел од вкупно 300 милијарди долари пари на банката заробени од западните санкции.
Без разлика каков им е ставот кон Русија, Еуроклиар со закон е обврзан да ги реинвестира дури и замрзнатите средства што се во негов посед, што пак позитивно се одразува на рускиот баланс. Од целата ситуација сериозен ќар има и белгиската држава, која годинава наплати 740 милиони евра данок на заработувачка од блокираните руски пари.
Новиот прилив го зголеми притисокот и желбата на Западот некако да најде начин да почне со руски пари да ја финансира Украина и нејзиното обновување.
Најголемата претпазливост околу ваквиот план доаѓа од Германија и Европската централна банка, кои предупредуваат дека користењето на руските заробени пари, без разлика дали тоа е оправдано или не, ќе доведе до намалување на довербата на другите централни банки кои таму ги чуваат своите пари и нивно повлекување.
