Највозбудливото клупско европско натпреварување вечерва ќе ни открие кој гигант ќе се радува, а кој од Милан и Барселона ќе го напушти Камп Ноу со наведнати глави. Голема неизвеснот нуди и втората пресметка на „Гелзенкирхен" каде Снајдер и Дрогба ќе се обидат да го сопрат домаќинот Шалке.

За време на нисколигашки дуел во Грција се случи најнесреќниот обид на фудбалски натпревар. По шутот на малерозниот фудбалер, топката ја удри рамката на голот 4 пати.

На илјадници километри од Торино, италијанскиот шампион има верни навивачи какви што секој клуб посакува да има на својот стадион. Фановите на Јувентус од Индонезија се собираат во огромен број за заеднички да следат натпревари со пропратна кореографија и пиротехника.

На плавушите очигледно не им оди на спортските манифестации. Еднаш постиравме момент од фудбалски натпревар на кој девојката со плава коса последна сфати дека топката не влезе во гол, а сега се појави една друга мома која реши да прекине бејзбол натпревар.

Селекторот на македонската фудбалска репрезентација Чедомир Јаневски го објави списокот на фудбалери за квалификацискиот натпревар за Светското првенство 2014 помеѓу Македонија и Белгија, кој ќе се игра na 22 март на арената „Филип Втори".

Јоан Кабај од Њукасл и онака има опасен шут, па ако си голман кога тој треба да изведе слободен удар од работ на шеснаесетникот, последно нешто што ти треба е некој да ти се глупира пред тебе. Голманот на Стоук, Асмир Беговиќ се обиде да го игнорира Стивен Тејлор, но не успеа.

Иако Ајакс е еден од клубовите со најдобра стратегија за создавање на млади таленти, новото освежување за „Лалињата" доаѓа од Феенорд, кој сезонава доби брзо актрактивно крило. Жан Пол Боетиус има само 18 години, а пред една недела беше двоен стрелец на гостувањето против Нец.

Замислете, Холандија како велосипедска велесила да ги има сончевите денови на Македонија... За сè друго би постоел Мастеркард. А кога Македонија би ги имала точаците на Холандија.. Ќе нема кој да ги вози, а Мастеркард ќе си остане Мастеркард.

Овој пример во англиската Чепмионшип втора лига покажува дека црвените картони понекогаш се делат и за најбизарни работи. Ешли Барнс од Болтон е можеби единствениот фудбалер кој предвреме замина во соблекувалната поради мала невнимателност врз судијата.

Викендов цела Германија заборави на Баерн Минхен. Во саботата се одигра натпреварот помеѓу Шалке и Борусија Дортмунд, жестокото дерби на областа Рур кое прерасна во најголемо ривалство во цела Германија.

Уште една комична сцена од казахстанскиот фудбал. Овој пат на „македонското дерби" помеѓу Тобол на Никола Тонев и Астана на Филип Ивановски. Домаќините победија со 5:1, а еден од головите беше постигнат од пенал, но со многу мака.

Екипата на ЛА Клиперс е позната како "Lob City" заради тоа што често прават цепелини, а на натпреварот против Детроит Пистонс го изведоа еден од најдобрите на сите времиња. Ништо не можеше да го сопре Деандре Џордан, а Брендон Најт се најде на погрешно место во погрешно време.

Во декември МЗТ во Скопје прослави рекордна победа над унгарскиот претставник, но овој пат „фенерџијата" му се реваншираше на македонскиот шампион чија игра не доликуваше за екипа со аспирации за пласман во Еврокупот.

Оваа бомба на Грифитс можеше да биде клучна за триумф на Хибернијан над тимот на Хартс, но поради ужасно лошата проценка на судиите мечот заврши без голови.

Фан шопот на Реал Мадрид е можеби најпопуларното место во главниот град на Шпанија, каде се уште се чекаат редици за да се дојде до белиот дрес со број „7". Иако е веќе четврта сезона дел од Кралскиот тим, интересот за дресот на Роналдо постојано расте.

Фудбалскиот клуб Колорадо Рапидс од американската МЛС лига оваа сезона ќе го има најнавивачки наклонетиот дрес. На него се испишани имињата на сите сопственици на сезонски влезници за нивните домашни натпревари.

И оваа недела уредниците на TVGOLO имаа тешка задача при изборот на најдобрите 10 голови за изминатите 7 денови, а помеѓу нив се и мајсториите на Солдадо, Диаманти, Форлан и Модриќ.

Иако изминатото коло во кое типувавме четири натпревари тикетот не беше добитен само поради еден гол, тоа не значи дека ќе се откажеме од нашите намери да ви помогнеме да стигнете до добивка во кладилниците. Ова е нашиот избор за овој викенд.

Атрактивниот спортски автомобил на Кристијано Роналдо кој го заби во ѕид пред четири години, повторно е ставен на аукција. Од сајтот се сомневаа и го тргнаа од продажба со образложение дека не постоеле докази дека му припаѓа на славниот фудбалер.

Кошаркарот на Денвер Нагетс, Џавал Мекги одлично го блокираше атрактивниот обид за кош на Мет Барнес, но неговата рампа сакаше да остане запаметена и со автограм на баскетот.

Фудбалерот на Арсенал кој како позајмен играч оваа сезона настапува за Јувентус, данскиот интернационален Никлас Бентнер е толку непопуларен во Торино што во клупската продавница до сега немаат продадено ниту еден дрес со неговото име.

Одделот за внатрешни работи на Каталонија планира да отвори датотека со податоци за навивачите на Барселона со цел да ги следат потенцијалните нарушувачи на јавниот ред и мир за време на натпреварите.

По повод 8-ми март, меѓународниот ден на жената, Олимписки комитет објави видео компилација со најинспиративните моменти и спортистки во олимписката историја.