Во пресрет на традиционалниот скопски маратон кој ќе се трча на 8. мај со почеток од 8:45, решивме да ѕирнеме како оваа благородна манифестација изгледа во Лондон.

Последната епизода насилства во турскиот суперлигашки фудбал на програмата одеше минатиот викенд за време на дербито Трабзонспор - Фенербахче. Во не така далечно минато се случија сериозно насилни настани.

Зинедин Зидан, тренерот на Реал два пати за седум дена ни покажа зошто Јирген Клоп вели дека во тренерки се чувствува најкомотно.

Здодевна игра на Етихад без голови, медитација на Роналдо, скинати панталони за Зидан и прекрасна кореографија на домаќините. По ова ќе го паметот навивачите првиот полуфинален меч на премиерлигашот во ЛШ. Финалистот ќе се знае на реваншот во Мадрид.

Ако НБА лигата стана посиромашна по пензионирањето на Џордан, па Шекил, па Коби, тогаш лесно ќе направиме компарација на имиња и во фудбалот. Зинедин Зидан не игра од 2006 година, а кога ќе го видите видеото ќе помислите дека вечерва против Манчестер Сити ќе биде во прв тим.

Три бода, три меча до крај. Донесете ми против Манчестер Јунајтед солзи радосници, стои во дел од Твитот на навивачот кој освен “фудбалски оргазам“ ќе добие и 15.000 фунти ако Лестер стане шампион во Премиер лигата.

Случајот Хилсборо конечно го доби епилогот кој навивачите на Ливерпул го примија многу емотивно и пред судот ја запеаа YWNA.

Титулата одбранета, едниот куп исто така, голови 42 на сите фронта. Лорен Блан му дава заслужен слободен ден него и на цел тим, а Златан ги зема во друштво Верати, Пасторе и Сиригу и правец Лас Вегас. Тоа е тоа, сигурно нема на Ајфелова кула да се качуваат како туристи.

Некогаш Тевез центрираше, а Боби Замора забиваше, а денес Дмитри Паје центрира а Огбона забива со глава. Два потполно идентични голови на Чеканите.

Кога подвизите на Лестер станаа сè поневеројатни, во очи паѓаше амблемот/логото на клубот. Колку пати сте слушнале некој со двоумење да го чита: „Лечестер кец стај го“ или „Леичестер ќе тепа ли“?

По четири поминати кола Бошко, Мите и Џиги се покажаа како одлични прогнозери во НБА плејофот. Три од осумте парови веќе имаат разрешница која ја погодија, а по анализата на Западот, сега ќе ги чуете предвидувањата за Источната конференција кои се совпаѓаат со тоа што го рекоа пред да почне.

Голманот на полскиот клуб Терманлица, Себастијан Новак го постигна можеби најважниот гол во клупската историја, откако во 93-та минута погоди со глава на гостувањето во Висла за драгоцен бод кој ги спасува од евентуално испаѓање.

Хокејот е најпопуларен спорт во Шведска. Доказ за тоа е и прославата на шампионскиот трофеј на Фролунда во хокеарското првенство на оваа скандинавска земја. Со бакљи, со огномети, со триста салтанати.

Работите тргнаа разочарувачки за екипа која ја брани титулата. Буфон почна изјави дека можеме и треба да направиме повеќе. До 28 октомври само 12 освоени бодови од можни 30, а потоа 73 од вкупно 75. Искачувањето на табелата одеше вака.

Со ваков наслов денеска излезе Кориере дело Спорт по голот на Наинголан во 89 минута со кој Рома го совлада Наполи и “го промовираше“ Јувентус во шампион на Италија. По пауза од 81 година, Старата дама врзува 5 Скудета по ред.

„Фудбалот го сведоа на резултат, како што се обидуваат љубовта да ја сведат на оргазам“, вели аргентинскиот тренер Анхел Капа којшто во една футуристичка колумна стара 22 години го најавил терминот тики така кој потсеќа на играта на Барселона и Шпанија.

ТВ прилогот почнува врхунски добро и нетипично за еден новинарски извештај. Судијата се загрева како во школо на физичко и давај изјава по гаќи и рамбовка објаснувајќи дека и тој треба да биде тип топ физички спремен за 90 минути трчање.

Ако некој пред стартот на оваа фудбалска сезона ве прашаше кој е Ријад Марез, сигурно ќе креневте раменици. Епа викендов е прогласен за најдобар играч во Премиер лигата и има 17 постигна гола, 10 повеќе од Руни.

Откако минатата недела се пласираше во третата лига Серија Ц и повторно ќе игра професионален фудбал после банкротот, Парма нè наврати на некои поубави времиња кога овој клуб доминираше во Европа.

24 април синоќа требаше да биде 25 годишно одбележување од антологискиот меч на Црвена Ѕвезда против Баерн Минхен која стана финалист во КЕШ, но трагичната смрт на навивачот на црвено-белите во Чачак овој викенд, го одложи славјето.

Паузите измеѓу четвртините и тајм-аутите, воопшто не се досадни во НБА лигата ако камерите знаат каде треба да зумираат. Платен или не за ова глупирање ваквиот ков на навивач секогаш го краде вниманието на публиката.

Во една сезона едвај ја фаќаш сламката за спасот и изгледа дека сè се распаѓа, а следната сезона со крајно скромен буџет водиш борба за титулата. Не е само Лестер во сценариото за најубавиот фудбалски филм сезонава.

Фудбалерите на некогашниот европски првак го победија Утрехт 2:1 во финалето на Купот на Холандија и го освоија првиот трофеј од 2008. година. Во Ротердам 59 уапсени поради нереди при прославата на плоштадот.