Offside › Набрзинка

Преписката меѓу КФМ и Даниел Димевски

12 ноември 2026

„Управниот одбор на Кошаркарската федерација на Македонија оцени дека досегашното постапување на раководството на Македонскиот олимписки комитет, предводено од претседателот Даниел Димевски, отвора сериозни прашања за можен судир на интереси, непотизам, институционални опструкции и постапувања што бараат дополнително испитување од надлежните органи.
Поради сето ова, бараме итна и неотповиклива оставка од Даниел Димевски од функцијата претседател на Македонскиот олимписки комитет“.
Претседателот на МОК, Даниел Димевски, одговори на иницијативата што ја покрена КФМ, за смена на првиот човек на МОК.
„Важно е да се оцрни и омаловажи секој успех само да се затскрие реалната катастрофална состојба до која ја донесе Македонската кошарка, од секој аспект и на сите нивоа. Општа констатација е дека ова е најнеспособното раководство што некогаш го имала КФМ“, одговори Димевски.

Соопштението на КФМ и одговорот на Даниел Димевски

извор

Кипре е веќе во Глазгов

12 ноември 2026

Македонската фудбалска репрезентација е влезена во длабока криза со 12 меча по ред без победа и 8 во низа без постигнат гол.
Ниту тој податок не го спречи Горан Кипријановски, како еден од нашите најверни навивачи, да замине на долго патување до Шкотска за да ги бодри во живо нашите фудбалери. И уште од средата е таму, а средбата е закажана за в петок.
Мечот ќе се игра на Хампден парк и се очекува да биде исполнет до последно место што значи дека би имало околу 51.500 навивачи. Сегашните проценки се дека Македонија ќе има поддршка од околу 100-тина македонски навивачи.

извор

По историскиот дебакл 0:7 на Рујевица, Хрватска сега оди на Вембли со Англија

12 ноември 2026

Пред нешто повеќе од еден месец Англија забележа една од најубедливите победи во историјата а Хрватска еден од најтешките порази во историјата. Англичаните славеа 0-7 и ја продолжија низата против „коцкестите“.
Хрватска вечерва гостува на кулниот „Вембли“ во претпоследното коло од Лига на Нации.
Традицијата вели дека Англија има серија од 4 победи портив Хрватите. На Светското во групна фаза летово ги победија 4:1. Претходно ги победија со 1:0 и 2:1 а последен пат Хрватска остана непоразена со третопласираната селекција на светот во Лига на нации во октомври 2018 кога беше 0:0 во Ријека.
Вечерва во Лига на Нации се играат уште и натпреварите: Ерменија - Кипар, Турција - Белгија, Италија - Франција, Чешка - Шпанија, Албанија Финска и Сан Марино - Белорусија.

извор