Offside › Набрзинка

Пуштени во продажба билетите за градското дерби Вардар - Алкалоид

11 ноември 2026

Љубителите на ракометот од денеска можат да обезбедат билети за претстојното скопско дерби меѓу Вардар 1961 и Алкалоид, кое ќе се одигра во Т-Арена, односно СЦ „Борис Трајковски“. Билетите се продаваат по единствена цена од 300 денари. Билети за натпреварот можете да набавите на СЛЕДНИОТ ЛИНК.
Од клубот информираат дека местата во салата нема да бидат нумерирани, па навивачите ќе можат да го изберат блокот од кој ќе го следат натпреварот. Навивачката група „Комити“ ќе биде сместена во блокот 1, додека за гостинските навивачи е предвиден блокот 15.
За сезонците ќе бидат резервирани централните блокови 3 и 13. Сепак, тие ќе имаат можност, доколку сакаат, да го следат дербито и од кој било друг блок во салата. Навивачите кои ќе купат поединечни билети ќе можат слободно да изберат каде ќе седат, со исклучок на блоковите 3 и 13, кои се резервирани за сопствениците на сезонски билети.
За влез во салата ќе биде отворен главниот влез, кој се наоѓа од страната на големиот паркинг. Градското дерби се игра во сабота, 14 ноември, со почеток во 18:30 часот

извор

Македонија со хет-трик на Ристиќ ја урна Унгарија со пресврт

11 ноември 2026

Македонската фудбалска репрезентација до 17 години оствари голема победа, против Унгарија во воведното коло од првата квалификациска рунда за Европското првенство до 17 години.
Стефан Ристиќ е херој на нашите надежи кој го сврте мечот од 0:2 на 3:2 и тоа со голови во 86` и 94` минута.
Селекцијата предводена од Иљами Исејни сега има голема шанса за пласман во втората квалификациска рунда – Лига А за пласман на Европското првенство.
Македонија е дел од првата квалификациска рунда, Група 11, која се игра во Трабзон, Турција, од 11 до 17 ноември 2026 година со селекциите на Турција, Унгарија и Сан Марино.

извор

Деветта операција за Линдзи Вон

10 ноември 2026

Тешкиот период за Линдзи Вон (42) сè уште не е завршен. Легендарната американска скијачка повторно ќе мора да биде оперирана, а претстојниот зафат ќе биде деветти во нејзината медицинска битка по страшниот пад на Зимските Олимписки Игри во Милано 2026.
Вон откри дека лекарите сè уште не можат со сигурност да го предвидат исходот од интервенцијата и дека повеќе детали ќе има по завршувањето на операцијата.
„Ова ќе биде моја деветта операција и се молам да биде последна. Некои работи можат да се променат за време на зафатот, па мораме да почекаме и да видиме како ќе помине сè. Ќе ве информирам за опоравувањето веднаш штом излезам од операционата сала“, порача Американката.
Американката важи за една од најдобрите скијачки на сите времиња. Во нејзината трофејна кариера има три златни медали од Олимписките игри, а го освојуваше и Светскиот куп четири пати.

извор