Во период од околу 40 минути Париз беше погоден од шест смртоносни напади, во кои загинаа над 120 лица.

Петокот вечерта шест локации во Париз беа мета на терористички напад: вооружени напаѓачи пукаа на публиката на рок концерт и на гости во ресторан; а неколку бомби беа детонирани во близина на Стад Де Франс каде што играа Франција и Германија. Оланд соопшти дека нападот е дело на џихадисти на ИСИС. Неколку часа подоцна ИСИС ја презема одговорноста.

Без да се меша во политика или дипломатија и чисто по основа на ланец на снабдување, шведска Икеа објави дека заради неочекувано големата побарувачка предизвикана од напливот на азиланти, веќе се на последните резерви со кревети и душеци, а не дека можат да отидат во Икеа и да купат уште колку им требаат кревети.

Во неделата вечер КФЦ брендиран ресторан почна со работа во Техеран. Работеше неделата вечер, понеделникот во регуларното работно време, и вторникот утрото додека не дојде инспекција да го затвори затоа што личел премногу американски.

Само што испратив четири бродови за Грција, и од тоа кај мене во џеб завршуваат 10 илјади долари, се фали Малик ал-Бехар (Кралот на бреговите) во интервјуто на Њу рипаблик, 38-годишниот Сириец кој господари со најголемиот ланец за шверц на Сиријци од Измир во Европа.

Руските семејства веќе почнаа да ги идентификуваат остатоците од 224-те жртви од авионската несреќа над Египет. Египетските власти работат со Русите на истражување на црните кутии од авионите и во меѓувреме нема никакви дополнителни официјални информации. Тоа не значи и дека нема шпекулации по сите можни основи.

Една третина од американската јавност смета дека помошта за странство се движи меѓу 30 и 50 проценти од американскиот буџет. Точната бројка е 1% од буџетот, факт што според тамошни анкети го знае секој 20-ти испитаник.

Американците во својот поход за освојување на "срцата и умовите" на Авганистанците, одлучуваат да изградат "бензинска" станица во Северен Авганистан. Комплетирањето на овој потфат проектирано е да чини меѓу 200 и 500 илјади долари. 3 години подоцна, проектот е готов, цената е 43 милиони долари.

Се лажат сите оние кои веруваат во брзо решавање на кризата со мигрантите од Сирија и други места. Тоа е проблем кој ќе мора да се носи цела  генерација, изјави италијанскиот министер за надворешни работи Паоло Џентилони.

Симнување и споделување детска порнографија, транспорт на околу 170 килa марихуана во службено возило, и повеќекратно заканување со убиство, се дел од прекршоците од извештајот на Обединетите нации за вработените на Обединетите нации. Бонус: сето ова стигнале да го направат во рок од една година.

Откако телото на 4 годишниот Ајлан Курди минатиот месец беше откриено на турското крајбрежје, слична судбина ги има снајдено уште најмалку 70 бебиња, и ова според бројки на УНХЦР.

Како надополнување на досегашните воздушни напади, администрацијата на Обама се подготвува да испрати мал број специјалци на сириско тло. Под "мал број" подразбираат 20 до 30 специјалци.

Општоприфатената логика во политичката наука (посебно по падот на СССР) е дека за диктатурата е неизбежно или да се демократизира или да стагнира. Ова во теорија важи и за Кина. Тоа што е општоприфатена, не значи и дека е точна.

Во интервју за СиЕнЕн, Тони Блер признава дека чувствува одговорност за состојбата во Ирак во 2015-та, и за појавата на ИСИС. Одговорност со амандман дека не е само тој виновен за тоа, дека работите секако оделе во тој правец, ем ИСИС се појавил во Сирија а на е во Ирак.

Кога ја започна кандидатурата на партиските избори за претседателски кандидат, на Трамп во најдобар случај гледаа како на маскота. Повеќе митинзи и неколку дебати подоцна, Трамп последниве три месеци на анкетите постојано е на прво место меѓу републиканците. Сега најмногу што му даваат е партиска номинација.

Четворица Кинези трошат речиси 30 илјади евра на уредување и создавање на лажен таен центар за испрашување, кој наместо редовните дисиденти и тибетски монаси, планираат да го полнат со корумпирани кинески функционери, не за добро на народот, туку за добро на себе.

Саудијците и понатаму остануваат на бројката од 769 жртви и 934 повредени, проблемот со нивната математика е што сега поединечните држави почнуваат да пресметуваат колку нивни граѓани аџии им се пријавени за исчезнати. Новата бројка од 2.177 жртви е збирот што го има добиено Асошиејтед прес.

Две недели како што Русија воено се вклучи во нередот во Сирија, кај западните разузнавачи и воени функционери почна да се враќа изгубената страхопочит кон руската војска и кон трансформациите што таму се имаат случено за време на владеењето на Путин. А на Русите, Сирија одлично им дојде за контролирана демонстрација.

Летово беше веројатно најужасниот период во историјата на кинеската берза, вредноста на акциите беше во слободен пад, секој ден се губат милијарди долари, а кинеското раководство и не се претегна обидувајќи се да ја спаси берзата. Ова претежно беше протолкувано како знак за неспособност на Кси Џинпинг, освен од оние кои сметаат дека сето ова е дел од неговиот план.

Викиликс пред неколку дена објави она што треба да е конечната верзија на поглавјето околу интелектуалната сопственост од Транс-Пацифичкото партнерство. Коментарот на ЕФФ (Electronic Frontier Foundation) на ова е: ова ги потврдува нашите најголеми стравови.

Кундуз траума центар е болницата во Северен Авганистан под управа на Доктори без граници. На 3-ти октомври таа по грешка беше погодена од американската авијација повикана да помогне во борбите со Талибанците во Кундуз. Меѓу убиените има 12 доктори и 3 деца. Ова е првата репортажа од болницата.

Планот кој звучеше како да е составен на семинар по "дај да направиме нешто за да изгледа дека работиме," предвидуваше САД и неколку сојузници, да ја обучуваат и опремат "умерената опозиција" во Сирија, за таа понатаму на свој грб да ја преземе целата борба против сите останати страни во војната (Асад и ИСИС). Вчера ја укинаа програмата.

САД годишно прифаќаат поголем број на бегалци од која било друга држава, и покрај тоа во оваа бројка речиси да нема ниту еден од милионите бегалци од Сирија. Официјалното објаснување е - заради безбедност, аргумент што претставниците на повеќе владини агенции не можат да го поткрепат со факти, податоци или проценки.