По поуката од борбата против дрогата (колку повеќе притискаш, толку проблемот оди подлабоко во подземје), Русија ќе ја легализира корупцијата во оние случаи кога „се мора“.

По кратко но напнато натегање Матео Салвини објави дека ќе дозволи бегалците кои се на еден спасувачки брод во Медитеранот да се истоварат на италијанско тло, само под услов од таму директ да се префрлат во Холандија и Германија.

Поранешниот прв човек на Старбакс најави можност да се кандидира на следните претседателски избори како независен. Иако нема да оди ни лево, ни десно а и сам би си ја финансирал кампањата, во двете партии веќе почнаа да ги затегаат стрелите.

Амбасадорот Џон Меккалум е отпуштен затоа што без да добие дозвола проговорил во врска со апсењето на финансиската директорка на Хуавеи, Менг Венџу, на аеродром во Ванкувер.

Од 30-те месеци што ги имаа до брегзит, на Британците им останаа уште едвај два. Додека политичарите се заглавени и држат тензија до последен момент што како ќе се случи, купувачите ги полнат своите шпаизи со резерви, а супермаркетите и компаниите купуваат нови џиновски магацини за своите залихи.

Гео-политичките коцки се наредија на очекуван начин во врска со политичката криза во Венецуела. Најдражесен детал: Албанија и Косово веќе се ставија на „вистинската страна на историјата“, веројатно уште Македонија се чека за коалицијата да биде комплетна па да му „мамата мамина“ на диктаторот Мадуро.

Ако Хрватска влезе во еврозоната, Путин ќе го добие најсилното оружје во ЕУ, проценуваат од тинк-тенкот Лексингтон

Еврото моментално служи за цедење пари од периферијата на ЕУ и нивно префрлање во германски банки, а ако некогаш го видиме крајот на еврото тоа ќе биде само затоа што Германија така посакала, објаснува Јанис Варуфакис.

Се работи за Самбука, кој се наоѓа на Сицилија, излегува на Медитеранот, има полна зима со сончеви денови и од пред некое време нуди куќи на продажба по цена од 1 евро. Плус, сигурно ќе најдете место за паркинг.

Пораката е од рускиот министер за надворешни работи, според кого доволно децении се чека Јапонија да дојде на себе околу поразот и конечно да го потпише мировниот план со Русија. Двете земји се уште немаат потпишано мировен договор за завршување на Втората светска војна.

Грчката царина ќе треба на ЕУ да и плати казна од 200 милиони евра затоа што не спречила кинеска криминална мрежа да шверцува облека и патики преку пристаништето во Пиреа. Инаку, во времето кога на Грците им беше најголема драма за пари пристаништето беше отстапено на Кинези.

Една од најголемите, најмоќни и најбогати организации на светот е на почеток од едно долго натегање со градот Рим буквално за ситни пари.

Крајно десничарската Алтернатива за Германија изгласа дека треба да започне со кампања за повлекување на Германија од ЕУ доколку Брисел не ги исполни нивните барања за реформирање. Инаку АФД беше прилично небитна партија до последните избори.

Откако тазе демократската конгресменка Александриа Окасио-Кортез предложи данок од 70% за оние со богатство на 10 милиони долари, народ се побуни како на сите да им фалат 100 долари до 10 милиони.

На сајтов скандинавските земји обично се наведуваат како позитивен пример, за екологија, безбеден сообраќај, квалитетно образование. Оваа вест само на прв поглед изгледа обратно.

Во мерка која никако не е одмазда за апсењето на директорката на Хуавеи на аеродром во Канада, Кина од апсењето на 1 декември до сега има приведено најмалку 13 канадски државјани.

Во последните 25 години, Кина на импресивен начин успеа од екстремна сиромаштија да извади 500 милиони луѓе. Ништо помалку интересна е Индија која за 10 години, од дното извлече 100 милиони луѓе а на тој тренд се придружија Мексико, Јужна Африка и други. Бил Гејтс верува дека е можна трета рунда во искоренувањето на сиромаштијата. Треба да се зумира Суб-Сахарска Африка.

Британскиот Форин офис објави листа на необични барања кои биле упатени на адреса на нивните амбасади по светов. Свашта луѓе бараат.

Откако расправијата со Конгресот ја ескалираше до блокирање на работата на администрацијата, сега Трамп проблемот со собирање пари за изградба на сопствениот ѕид го претвори во уште поголема драма во најава.

Проблемот што планетава го има со индустријата за месо се должи на масовноста на вторава, и ова обично се решава со бојкот на јадење месо, што пак со тек на време доведува до барања за дополнително оданочување на месо и слични мерки кои веќе на пример се употребуваат за тутунот.

Трамп нареди повлекување од Сирија и тоа е тоа. Сиве овие години наназад, Курдите на северот од земјата беа драгоцени оперативци на теренот. Крајно кооперативни со Американците, сметајќи дека се нивни незаменливи сојузници во регионот. Во тоа име, тие и најмногу се потрошија во крвавите пресметки со ИСИС. И еве ги сега, оставени на цедило, на милост и немилост, што на Исис, што на Ердоган. 

Проблемот стана ПРОБЛЕМ откако Кина воведе нова политика со која забрани увоз на отпад од странство. Се до јануари годинава цели флоти бродови од САД и западниот свет полни со пластика и сличен евтин отпад редовно беа истоварани на кинеските брегови за понатамошна преработка.

Во копија на локалниот апсурд да имаш субвенции за тутун, а на секој чекор да забрануваш пушење цигари, ЕУ има субвенции за јаглен, додека е потписник на Парискиот климатски договор.

Со цел да ја заташкаат загаденоста на воздухот која беспоштедно беше е издадена од снегот, локални власти во Сибир почнале со фарбање на снегот со бела боја.