Последно од тоа што кинеската армија реши да дозволи светот да дознае за нив е дека имаат војници што ги опремуваат со ексоскелетон, и за сега служат за разнесување намирници каде што џип не стига.

Во рафалното укинување на одлуките на претходниот претседател, Бајден беше крајно внимателен која од извршните наредби на Трамп што спречува влегување на мигранти во САД или дозволува нивно депортирање во Мексико ќе му заврши под пенкалото.

Четворица поранешни американски соборци од војните во Ирак и околината, во 2014 формираат компанија за кафе. И сè оди добро се до 2020 и целото лудило, протести, пандемии и што сè не што годината ги донесе (a кое периодов нагло се стиши).

Пратеничка нa Европскиот парламент озбилно запука по лицемерието на овој храм на демократијата и чувар на човековите права во кој деновиве не може доволно да се оплака судбината на Алексеј Навални ама затоа со години не смее да му се спомне името на Џулиен Асанж. За иронијата да биде на најјако, на овој нејзин говор, Твитер му залепи етикета дека е „сензитивна содржина“.

Дел од француската интелектуална јавност со стаписаност гледа како во земјата се увезуваат наративи и теми од САД и смета дека целото тоа квази-левичарење, разбуденост и кансел култура кои доаѓаат од американските универзитетски кампуси директно ги поткопува особеностите на француската култура и идентитет.

Американската полиција од што е кабает мора по цели денови да трпи кој стигне да ја снима, и секој нивен чекор да биде објавуван по најразлични Јутјуб канали или која и да е социјална мрежа. Ама да се разбереме, не дека и ним не им текнуваат фори.

Кога Доналд Трамп еднострано го откажа договорот со Иран и на таа земја ѝ зачука нови санкции, неговите политички противници тоа бучно и едногласно го оценија како опасен, погрешен и безумен потег на лудиот американски претседател. Нормалниот Бајден сега вели дека нема да ги дигне санкциите.

20-годишен дечко е убиен во Нешвил додека со другарите се обидувал „на шега“ да ограбува непознати луѓе на улица со надеж дека ќе направи вирално видео за својот Јутјуб канал.

Се работи за палата од неверојатни 70 милиони долари, која по одлуката на францускиот суд во скоро време треба да смени агрегатна состојба во куп камења од 70 милиони долари.

Ослободена од обврските за бескрајни консултации и синхронизации на регулативите со останатите земји од ЕУ, Велика Британија досега вакцинираше 15% од населението. Во 27-те земји членки на блокот, вакцинирани се само 3%.

ЕУ останува препознатлива само како политичко крило на НАТО (како Шин Фејн на ИРА, како ДУИ на УЧК). На ниво на вредности и принципи,  речиси е невозможно да ѝ се одреди физиономијата бидејќи во унијата се случува еден галиматијас од идеи, од крајно глупи до крајно глупи. Полска на пример, на жените кои ќе мораат да родат деформиран фетус поради драконските забрани за абортус, ќе им помага така што ќе предвиди соба за нив, за да можат на раат да се исплачат.

Рапидното распоредување на единиците на веќе буџетски покриената Национална гарда во Вашингтон го чини буџетот на САД околу половина милијарда долари, и ова е конзервативна проценка.

Во официјален допис кинеското министерство за образование се жали дека кинеските момчиња станале премногу „женствени“, и бара како тоа да го сврти во спротивен правец.

Колку што е Кина неподнослива за класифицирање „држава што има и гулаг и Гап“, толку и нејзиниот лидер е нејаснотија „ем ја враќа земјата назад, ем изгледа како поборник на слободна трговија кој може да ја воодушеви публиката во Давос“. И додека Западот нема некоја прецизна претстава за Кина, за нејзиниот лидер нема па воопшто никаква.

Во некои понормални времиња се зборуваше како во Вашингтон има целосно безлична пицерија во која се собираат Хилари и пријателите, од чисто педофилски побуди. Овој тумор од заговор низ годините прогресираше и се претвори во нешто што се вика Фрејзлдрип.

„Кутар Џастин Трудо. На канадскиот премиер мора да му беше огромно олеснување што конечно се раатисал од Доналд Трамп, само за да дочека да сфати дека еден од приоритетите на Џо Бајден е да им порача на Канаѓаните да одат да јадат гурабии“, пишува колумнист на Бостон Хералд.

АстраЗенека вакцината против ковид-19 треба да се користи само кај лицата на возраст од 18 до 64 години е препораката на германскиот комитет за вакцинирање.

Еден од првите укази кои Џо Бајден ги потпиша се однесува на 600 милијарди долари годишни набавки на федералната влада кои ќе треба да бидат потрошени на стоки и услуги од американско производство. Владините коли, на пример, ќе мораат да бидат не само електрични, туку и американски.

Може Меркел е алергична на сè што е поврзано со Трамп, ама тоа некако не важи и за терапијата која за неколку дена го крена поранешниот американски претседател од ковид-19 и го врати назад во претседателската кампања.

Француската јавност се шокираше кога дозна дека „проминентен член на париската интелектуална елита“ сексуално го злоупотребувал своето тогаш 14-годишно посинето дете, па потоа се дошокира кога на социјалните медиуми се појавија стотици слични сведоштва под хаштагот #metooinceste.

Во склад со новоеруптираната позитива низ САД треба да се пофали полицијата дека во случајов ниту еден полицаец не застрела ниту еден црнец, но сепак викендов се случи инцидент кој треба да се спомене во кој полициски џип прејде преку толпа луѓе како трактор преку нива.

Не се знае на кого му се падна, ама се знае дека добитното ливче е продадено во бакалница во Мичиген, и дека е само едно и дека добитникот инстантно станува еден од најбогатите луѓе на светот.

Лошите власти во Танзанија успеала од наивната Европска унија да искамчат 27 милиони евра за борба против ковид. Ковид речиси и да немале а и од тоа што го имале, Господ ги имал спасено. Добро, ама кои се глупите?

Рурална Франција има право да биде гласна и да мириса на измет од говеда како и сите години до сега, без разлика колку тоа им пречи на новодојдените богаташи.