Напредувањето на Талибанците на северот од земјата се забрзува и тие без проблеми за кратко време зазеле неколку нови окрузи во Авганистан, соопштуваат официјални лица во Кабул.
Деновиве околу 300 војници на авганистанската војска преминале во соседен Таџикистан, кој ги прима „водејќи се од начелата на хуманизам и добрососедство.“
Талибанците сега контролираат една третина од вкупно 421 округ во Авганистан. Според локални извори, поголемиот дел од окрузите паѓаат во нивни раце без никаква борба.
Во последните деновиве зазеле десет нови окрузи од кои осум без борба.
За нивниот успех главно се обвинува падот на моралот меѓу војниците кои се бројно надмашени и слаби со залихи.
