Британската амбасада во Пекинг пред некој ден на годишнината од масакрот на Тиенанмен на Твитер објави слика од свеќа, без зуцне ни збор повеќе. За возврат за неколку минути кинески Твитер корисници ја свртија приказната дека умрела кралицата на Британија.
Десетици туристи во Италија се осомничени за кривичното дело крадење песок, школки и камчиња од плажа, за што ќе платат казна до 3.000 евра. Се уште нема уапсени за крадење вода од морето.
Од барањето на САД земјата да се откаже од договорот за купување С-400, Турција е подготвена само да прифати испраќање дома на руските воени експерти кои помагаат во секојдневното функционирање на системот.
Уапсениот белоруски новинар и опозиционен активист Роман Проташевич се појави на државната телвизија и во солзи ја призна својата улога во анти-владините протести и рушењето на Лукашенко. Опозицијата верува дека е заложник и дека изјавата ја дал под присила.
На Кина и е неопходно да создаде имиџ на „доверлива, симпатична и почитувана“ Кина преку унапредување на својот стил на комуникација, порачал главниот меѓу милијарда и четиристотини милиони Кинези претседателот Ши Џинпинг.
Данскиот парламент е на пат да изгласа закон кој предвидува дека сите бегалци што ќе дојдат во земјата ќе бидат депортирани во трети држави (во Африка) па таму ќе чекаат дур им се разгледаат документите, а дури и после тоа нема да може да се вратат во Данска.
Американското обвинителство се откажа од четири обвиненија против човек од Флорида кој упадна во Сенатот за време на немилите настани од шести јануари, а овој призна вина за петтото. Не станува збор за 'терористичко загрозување на уставниот поредок' (а не дека немаат такви одредби) туку за опструкција на државни активности. Го чека казна затвор меѓу 15 и 21 ме-се-ци.
41-годишен маж од источна Кина е хоспитализиран на 28 април, а еден месец подоцна на 28 мај е дијагностициран со првиот случај на птичјиот грип Х10Н3 кај човек.
Поранешниот американски претседател наводно верува и збори по луѓе, дека во следните два месеца ќе биде повторно вратен на претседателската позиција во Соединетите држави.
70% проценти од Русите дале поддршка на планот на руската влада да врати во служба апдејтирана верзија на работничките логори од времето на Сталин, исто така познати и како – гулаг.
Министерот за исламски работи на најголемата муслиманска држава во светот, даде наредба за стишување заради бројните поплаки на граѓаните (сите до еден муслиман) за прегласните звучници на џамиите.
Тајната служба на Данска им помагала на своите колеги од озлогласната американска агенција НСА да шпионираат европски политичари, меѓу кои и Ангела Меркел, покажува истражување на неколку европски медиумски куќи.
Американскиот претседател не само што го прегази ветувањето дека нема да зема пари од лобисти, туку лобистите работеле за Русија конкретно во делот за Северен тек 2.
Со оправдание на ниво „абе запнаа децата да работат во рудник, не се разбираат од збор“ севернокорејските власти тврдат дека сираците низ земјата сами волонтираат да работат во државните рудници и фарми.
На состанок на Политбирото со кој претседавал кинескиот претседател, Ши Џинпинг, е одлучено дека на секој брачен пар во земјата ќе му биде дозволено да има до три деца.
Планот на Бајден е инвестирање во инфраструктура, образование и здравство, и со вакво трошење ова би било најголемо државно инвестирање во САД од Втората светска војна.
Како што градските власти на Лос Анџелес не можат да се справат со повеќегодишната криза со бездомниците, така прибегнуваат кон се понепопуларни и радикални мерки, пример, државен камп за шатори.
За Швајцарија излезе полесно да продолжи без сеопфатен договор што ќе ги регулира односите со ЕУ отколку да се согласи на барањата за слобода на движење од Брисел, и се повлече од 7-годишните трговски преговори со Унијата.
ЕУ деновиве претекува од принципиелност и едногласни осуди на Белорусија заради скандалот со патничкиот авион кој беше пренасочен во Минск за да соберат еден опозиционер и активист против Лукашенко. Мислиш не е видено такво нешто на европскиот континент. А не да е видено такво нештo...
Првата средба меѓу новиот претседател на САД и вечниот претседател на Русија, ќе се случи во средината на јуни и според дојавите нема да биде ништо спектакуларно.
Жителите на италијанскиот град Сан Феличе Чирчео деновиве добија фактури за плаќање данок од нивниот феудален господар, кој во случајов е швајцарски барон. Сериозно.
Законот со кој на секое лице над 21 година во Тексас ќе му биде дозволено носење пиштол без каква било дозвола или обука стигна до потпишување кај гувернерот на Тексас, што во пракса се води како да е веќе потпишан.
