![](/files/styles/780px/public/vesti/2021/10/07/332914-germanija-kje-gi-obeshteti-prezhiveanite-evrei-od-leningrad.jpg?itok=-VnEQCL1)
Лицата кои влегоа во програмата ќе добиваат по 435 долари месечно до крајот на своите животи како резултат на договорот меѓу германската влада и Конференцијата која ги претставува преживеаните од Холокаустот.
Се работи за дополнителни 6.500 лица, меѓу кои има и илјадници Евреи кои ја преживеале бруталната германска опсада на Ленинград, но и околу 1.200 преживеани од Романија и Франција.
Договорот е тежок 767 милиони долари.
Германската влада на почетокот влегла во дијалогот со став дека и не-Евреи страдале во опсадата но другата преговарачка страна успеала да ги убеди дека токму Евреите биле причина за опсадата на градот и дека нивото со кое биле прогонувани е е поголемо од другите страдалници.
Главниот преговарач кој ги застапувал преживеаните, инаку поранешен амабасадор на САД во ЕУ, Стјуарт Ајзенштат, ја пофали германската страна што прифатила дека и натаму имаат морална одговорност кон тие лица.
Конференцијата проценува дека 50% од преживеаните од Холкаустот денес живеат во сиромаштија и дека и денес имаат поголеми проблеми со здравјето од своите врсници затоа што биле недоволно хранети како деца.
Во опсадата на Ленинград, животот го имаат изгубено преку еден милион луѓе.