Не се работи за апокалиптично предвидување со библиски алузии. Бангкошката Содома и Гомора не се случува заради самиот блуд туку главно поради замивањето после него.

Компанијата која ја постави статуата на девојчето која му пркоси на мачо симболот на финансиската моќ, бикот на Вол Стрит, предизвика општо внимание кое сигурно ѝ годи. Но и едно посебно внимание, кое, не баш.

Во драматичен пресврт на досегашната пракса, производителите на цигари добија судска наредба да почнат да се рекламираат на телевизија и весници. Во уште подраматичен пресврт за самите производители, рекламите што ќе ги плаќаат треба да објаснуваат како тутунската индустрија лажела за штетноста од пушењето цигари.

Во времето кога полицијата на Лас Вегас ги вадеше последните бројки за жртвите, од преку пола свет стигна соопштение од ИСИС дека извршител на масакрот е „војник на Исламската држава“. Ваквото на ништо базирано тврдење беше надополнето со второ соопштение во кое се појаснува дека убиецот наводно пред неколку месеци преминал во Ислам.

Метанот е стакленички гас што е 86 пати поштетен отколку јаглерод-двооксид и по ново до неодамна сериозно сме потценувале колку многу го произведуваме. А го произведуваме по две основи: вадење нафта и гас, и одгледување стока.

Утехата на демократите е дека веќе е крајот на 2017 и се ближат меѓу-изборите за Конгресот во 2018, па за не така долго време "се додека успееме да избегнеме нуклеарна војна" претседателските избори во 2020 ќе бидат крајот на Трамп, пишува Пол Волдман во Вик.

Прв чекор: направи го патувањето со воз масовно и општо прифатено. Втор чекор: направи ги возовите да работата на струја (наместо на јаглен или други фосилни горива). Трет чекор: направи електрична енергија за возовите 100% да доаѓа од ветерници.

Во вторникот Саудиска Арабија со кралски декрет ја укина забраната за жени да возат автомобил, нешто кое во 2017 е неизмерно заостанато за цел свет а е неизмерно напредно за Саудијците.

Научнофантастичното ветување на Маск е дека ќе можеш да стигнеш каде било на планетава за пократко од 1 час, и тоа со ракета.

Пишувајќи за француската владина програма за искоренување на тероризмот преку образование на ризични групи млади луѓе на тема историја, филозофија, литература и религија, новинарката на Атлантик ја раскажува приказната за родениот Французин кој стана дел од ал-Каеда.

За конзервативците беше расипувач на смерната американска младина. За феминистките беше шовинист. За многумина беше борец за човекови права, особено за сексуалните. Хју Хефнер се одјави на 91, задоволен од постигнатото. 

Ништо националистички и расистички, туку пиар пред светот и бизнис, па додека Кина се брендира како центар за чиста обновлива енергија, целото свое производство на јаглен го преселија во Африка.

Со постава од препознатливи ликови но освен тоа чисто бескорисен, Комитетот за истражување на Русија речиси и да нема цел, пишува Хана Гаис во Аутлјан за новиот ангажман на Морган Фримен како заштитно лице за неодамна формираната „непартиска, непрофитна“ организација во чие име актерот објави дека Америка е нападната од Русија (наводното хакирање избори) и „ние сме во војна“.

Како што германските медиуми го срочија, минатата деценија и нешто беше "Меркел ваму, Меркел онаму, Меркел секаде". На изборите што ќе се одржат викендов, оваа пракса се очекува да биде продолжена барем уште еден мандат.

Белиот супрематист кој пред две години уби 9-мина невини верници во црква рече дека воопшто не се кае за масакрот. Но затоа не му падна сеедно кога дозна какви адвокати треба по службена должност да ја обжалат неговата смртна казна.  

Првиот човек на Панера бред (американски ланец пекари) објави отворен предизвик до генералните директори на Мекдоналдс, Вендис и Бургер кинг: седум ден за појадок, ручек и вечера секој од нив да јаде од детското мени од сопствениот ресторан.

Во јуни 2016 Мекартур фондацијата ја започнува 100&Change наградата за филантропија, која важи за цел свет и во која премијата е грант од 100 милиони долари "за која било група што ќе најде најдобро решение за унапредување на човештвото".

Обидувајќи се да се помири со својот пораз, Хилари Клинтон ја повторува истата празна реторика и сомнителни политики кои доведоа до тоа, пишува Џејми Пек во анализата на "Што се случи".

Муабетот е за сè побројните паметни уреди кои ги имаме по дома и се поврзани на интернет. Сме ги платиле, ги користиме, ама во суштина не ги поседуваме, заради первертираниот концепт на интелектуална сопственост. Како во средниот век, сета земја е на кралот а ако му платиш, ќе ти даде дел да го копаш.

И онака скептичните кон вакцинација Талибанци (вистинските, забрадените, не овие што се само неразумни по Фејсбук на темата) уште повеќе се побунија против редовното вакцинирање откако се дозна дека ЦИА ја употребила програмата за вакцинирање во Пакистан за откривање на Осама бин Ладен.

Додека низ престолнините ширум ЕУ, Орбан е обвинуван за национализам, ширење омраза и придружно портфолио, неговите мерки и политики (огради, враќање бегалци...) се повеќе се прифаќаат од лидерите од истите овие престолнини.

Во саботата вечерата во најочекуваната боксерска борба во последнава деценија Генадиј Головкин и Канело Алварез влегоа во ринг и без тронка жалење, чување и пазење приредија 12 рунди непрекинат бараж од директни удари, аперкати, ескиважи и севкупно врвен бокс за гледање. На крај, во моментот кога судиите требаа да ја дадат својата оценка и да го прогласат победникот, одлучија дека борбата завршила нерешено, без победник, што беше дочекано на волеј од речиси комплетната публика и боксерски експерти.

Човекот е типичен анти-естаблишмент кандидат, колку што е анти-левичарскиот естаблишмент, толку е и анти-десничарскиот, и моментално најголемиот краткорочен проблем за републиканците е што мислат дека тие победиле на претседателските избори, објаснува во интервју за Лос Анџелес Тајмс, довчерашниот советник на Трамп, Себастијан Горка.

На средбата во Лима, Перу, МОК ги објави добитниците на организацијата на Летните Олимписки игри во 2024 и 2028 - главниот град на Франција и главниот град на филмската индустрија.